Átaksverkefni fyrir námsmenn

 

 

 

 

 

 

 

 

Átaksverkefni fyrir námsmenn sumar 2021

 

Átaksverkefni – sumarstörf fyrir námsmenn með lögheimili í Grundarfjarðarbæ

Grundarfjarðarbær auglýsir laus til umsóknar ný störf; sumarstörf fyrir námsmenn, með stuðningi Vinnumálastofnunar.

Leitað er að áhugasömu fólki með ríka þjónustulund og metnað til að skila góðu starfi. Umsækjendur þurfa að vera 18 ára á árinu eða eldri, hafa verið í námi á vorönn 2021 og að vera skráð í nám á haustönn 2021. Starfstímabil er tveir mánuðir á tímabilinu júní-ágúst 2021.

Laus eru til umsóknar eftirfarandi átaksstörf:

 

Menning og sögulegt efni

 

Átaksverkefni í flokkun og skráningu ljósmynda

Starfið felst í skráningu og flokkun ljósmynda úr safni Bærings Cecilssonar í Sögumiðstöð.  

 

Átaksverkefni í félagsstarfi og uppsetningu menningarviðburða

Starfið felst í aðkomu að skipulagningu félagsstarfs og menningarviðburða í Sögumiðstöð.   

 

Átaksverkefni í skönnun fundargerðarbóka

Starfið felst í skönnun fundargerðarbóka bæjarins frá 1906-2000 í Ráðhúsi.  

 

Upplýsingar, kynning og miðlun

 

Átaksverkefni í að vinna efni um bæinn og í þróun upplýsingagjafar um bæinn

Starfið felst í að vinna efni um Grundarfjörð fyrir Wikipediu. Einnig í þróun upplýsingagjafar um bæinn og þjálfun við að veita upplýsingar í upplýsingamiðstöð og víðar.  

 

Umhverfismál; fegrun, ræktun náttúruvernd, byggingamál

 

Átaksverkefni í fegrun bæjarins

Störf sem felast í hreinsun og förgun gamalla girðinga, göngustígagerð, merkingu gönguleiða o.fl.  

 

Átaksverkefni í gróðursetningu

Störfin felast í gróðursetningu trjáa og trjárækt, grisjun o.fl. í samstarfi við Skógræktarfélag Eyrarsveitar.  

 

Átaksverkefni í gerð matjurtagarða og smíðavelli fyrir börn

Starfið felst í að aðstoða við gerð matjurtagarða í sveitarfélaginu, gerð leiðbeininga og stuðningi við grenndargarða og ræktun. Ennfremur aðstoð á smíðavelli (kofabyggð) fyrir börn.

 

Átaksverkefni í garðvinnu fyrir eldri borgara

Starfið felst í garðvinnu fyrir eldri borgara og öryrkja.  

Umsóknarfrestur vegna allra starfa er til og með 11. maí nk.

Sótt er um gegnum vefsíðu Grundarfjarðarbæjar, laus störf, hlekkur hér.

 

Nánari upplýsingar eru veittar á bæjarskrifstofu í síma 430 8500. Einnig er hægt að senda fyrirspurnir á netfangið grundarfjordur@grundarfjordur.is