Bæring Cecilsson ljósmyndari (1923-2002)
Bæring Cecilsson ljósmyndari (1923-2002)

Sjö nýskannaðar ljósmyndir úr safni Bærings Cecilssonar bætast vikulega hér inná vefinn. Við köllum það "Sjöu vikunnar" . Við sérstök tækifæri birtum við 21 mynd - þrefaldan skammt.

Sjöan birtist fyrst 19. júlí 2021. 

Njótið!  -  Sjöa vikunnar er hér 

Smellið á myndirnar og þá birtist viðeigandi texti. 

Ef þú ert með ábendingar að nöfnum á myndirnar þá má endilega senda tölvupóst á grundarfjordur@grundarfjordur.is

-----

Sumarið 2020 hófst átak við að skanna ljósmyndir Bærings Cecilssonar. Þá var keyptur mjög öflugur og góður skanni til verksins og eru það ljósmyndafilmurnar sjálfar sem nú eru skannaðar.

Bæring Cecilsson (1923-2002) var fæddur að Búðum í Eyrarsveit, við norðanvert Kirkjufell. Bæring tók ógrynni ljósmynda af náttúru og mannlífi í Eyarsveit og víðar. Síðar tók hann einnig kvikmyndir.  Ásamt því að vera áhugaljósmyndari starfaði Bæring sem fréttaljósmyndari fyrir Sjónvarpið og ýmis dagblöð. 

Bæring var gerður að heiðursborgara Grundarfjarðar árið 1997. Eftir andlát hans færðu skyldmenni hans Grundarfjarðarbæ myndasafn hans til varðveislu og vinnslu.

Síðan 19. júlí 2021 höfum við deilt vikulega broti af myndum Bærings. Við köllum það "Sjöu vikunnar" - ein mynd fyrir hvern dag, settar saman í vikuskammt. Ekki er ólíklegt að einhverjar myndirnar hafi sést áður, en góður hluti af myndasafni Bærings hefur verið skannaður. Mikið er þó enn eftir og er ætlunin að vinna markvisst að því að koma myndunum á stafrænt form og til opinberrar geymslu. Ætlunin er að nýta upplýsingakerfið sarpur.is til þeirrar geymslu og miðlunar. Efni á eldri vef Bæringsstofu mun þá færast þangað yfir. 

Á meðan unnið er að þessu, notum við myndasafnið "Sjöa vikunnar" til að birta og njóta brots af myndunum.

Hér á vef bæjarins er líka að finna umfjöllun um Bæringsstofu, sem leiðir inná hlekki á fleiri myndir Bærings