Það er komið að þáttaskilum í starfi Stígamóta.  Við höfum lengi haft áhyggjur af því að þjónusta okkar nýtist illa utan höfuðborgarsvæðisins.  Eftir heilabrot og vandað tilraunaverkefni m.a.  á Austurlandi höfum við fundið færa leið til þess að bæta þjónustuna.  Hún felst í því að ráðgjafi frá Stígamótum kemur á staðinn með reglulegu millibili og býður heimafólki upp á ókeypis viðtalsþjónustu.

 

Zonta studdi starfsemi Stígamóta með myndarlegum hætti til þess að hægt væri að hrinda hugmyndinni í framkæmd, þ.e. kynna verkefnið og fá vonandi í framhaldi af því sveitarfélög í lið með okkur. Er hugmyndin að til að byrja með yrði þetta 3 mánaða samstarfsverkefni.

Við munum heimsækja Snæfellsnes  29. september og  halda þar fræðslu- og kynningarfundi.

Einn fund með fagfólki sem málið varðar,  annan fund í framhaldsskólanum

og svo opinn kynningarfundur fyrir alla,

mánudagskvöldið 29. september kl. 20:00 í Mettubúð Ólafsvík.

Í framhaldinu (næstu þrjá mánuði)  myndum við bjóða fólki að panta ókeypis viðtöl í síma Stígamóta og leitast við að hitta alla sem þess óska. 

Útfærslan hefur verið þannig að ráðgjafi frá Stígamótum kemur t.d. ½ mánaðarlega á staðinn. Sveitarfélagið útvegar húsnæði og greiðir

ferðakostnað en Stígamót greiða launakostnað og annan kostnað.