Menntastefna Grundarfjarðarbæjar 2023

Mynd úr skýrslu um Menntastefnu Grundarfjarðarbæjar

Menntastefna Grundarfjarðarbæjar 2023

Bæjarstjórn Grundarfjarðarbæjar samþykkti á 276. fundi sínum þann 23. nóvember 2023 nýja menntastefnu Grundarfjarðarbæjar sem gildir til ársins 2028. 

Menntastefnan er stefnumörkun og leiðarvísir um áherslur og vinnubrögð sem samfélagið hefur ákveðið að stefna að á komandi árum í starfi leik-, grunn- og tónlistarskóla og annarra sem að uppeldi og menntun barna koma. Nýja menntastefnan leysir af hólmi skólastefnu frá árinu 2014 og byggir á opinberri menntastefnu Íslands til 2030 og framtíðarsýn sveitarfélagsins sem fram kom í endurskoðunarferlinu. 

Framundan, í janúar 2024, er kynning í skólum bæjarins og víðar á menntastefnunni og þeim aðgerðum sem lagt er upp með að vinna að í innleiðingu stefnunnar á næstu árum. Áherslan er á að allt starf með börnum sé grundvallað á skýrum viðmiðum um gæði og áætlun um mat á framgangi og innleiðingu menntastefnunnar.

Menntastefnuna má finna á sérstökum vef. Þar má skoða stefnuna sjálfa, kynningarglærur sem leggja línurnar um aðgerðir til innleiðingar, ábyrgð og hlutverk, gæðaviðmið ofl. Einnig verður hægt að fylgjast með því á gagnsæjan hátt hvernig innleiðingu og framfylgd stefnunnar vindur fram og hvar skólarnir standa í innleiðingunni.

Hér má sjá vef menntastefnu Grundarfjarðarbæjar 2023-2028 (sjá stiku efst í hægra horni).