Nemendur tónlistarskólans spila á UT ráðstefnu í Fjölbrautaskóla Snæfellinga.

Nokkrir nemendur tónlistarskóla Grundarfjarðar spiluðu fyrir gesti UT ráðstefnunnar sem nú stendur yfir í Fjölbrautaskóla Snæfellinga. Um var að ræða 30 mínútna tónleikadagskrá og spiluðu nemendur skemmtileg lög á meðan ráðstefnugestir voru að koma sér fyrir.

Ólöf Rut og Diljá úr 10. bekk spila á UT ráðstefnu

Allir nemendurnir stóðu sig með mikilli prýði en þau voru: Dagfríður Ósk Gunnarsdóttir sem lék á  píanó, Örn Ingi Unnsteinsson á bassa, Diljá Dagbjartsdóttir og Ólöf Rut Halldórsdóttir sem léku á þverflautur. Þetta eru nokkrir af eldri nemendum skólans sem hafa sýnt miklar framfarir á þessu ári. Kennarar skólans sáu einnig um undirleik með nemendunum.

Örn Ingi Unnsteinsson spilar á UT ráðstefnu