Nýtt deiliskipulag Framness austan Nesvegar tekur gildi

Nýtt deiliskipulag Framness austan Nesvegar hefur tekið gildi

Frá og með 28. janúar 2026 hefur nýtt deiliskipulag Framness austan Nesvegar tekið gildi með birtingu auglýsingar í B-deild stjórnartíðinda. Hið nýja deiliskipulag var samþykkt í bæjarstjórn þann 11. desember síðastliðinn. Við gildistökuna fellur úr gildi deiliskipulagið „Framnes, austan Nesvegar, reitir 6 og 9“ frá 13. mars 2008, auk tveggja breytinga á því, þ.e. frá mars 2016 (Nesvegur 4 og 6) og frá júlí 2021 (Nesvegur 4a).

Deiliskipulagið er í samræmi við gildandi aðalskipulag Grundarfjarðarbæjar 2019-2039.

Deiliskipulagið felur í sér að svigrúm er aukið fyrir hafnsækna starfsemi, skerpt er á framtíðarfyrirkomulagi eldsneytisbirgðastöðva, auk þess sem lóðir og lóðamörk eru yfirfarin og afmörkuð betur og byggingarskilmálar nánar skilgreindir.

Gögn málsins eru aðgengileg á Skipulagsgátt. 

Vakin er athygli á málskotsrétti skv. 52. gr. skipulagslaga nr. 123/2010 og lögum um úrskurðarnefnd umhverfis- og auðlindamála nr. 130/2011, en þar er kveðið á um að þeim sem lögvarinna hagsmuna eigi að gæta sé heimilt að kæra stjórnvaldsákvarðanir. Kærufrestur er einn mánuður frá birtingu deiliskipulagstillögu í B-deild Stjórnartíðinda, þ.e. frá 28. janúar 2026 til 28. febrúar 2026.

Grundarfirði, 28. janúar 2026

Sigurður Valur Ásbjarnarson, skipulagsfulltrúi