22.03.2005
Stjórnsýsla - fréttir

Samæfing í frjálsum íþróttum á vegum UMSB, HSH og UDN var haldin í Borgarnesi föstudaginn 25 feb. síðastliðin fyrir 11 – 14 ára.  Þetta er liður í því að koma á fót úrvalshóp Vesturlands með krökkum frá þessum þrem félögum.  Stefnt er að því að hafa fleiri samæfingar og jafnvel að fara með þau í stutt keppnisferðalag í sumar.

Frá UMFG fóru 12 krakkar á aldrinum 11 – 13 ára og voru þau einu frá HSH sem mættu, Dalamenn hættu við á síðustu stundu vegna námsmaraþons í skólanum.  Þannig að það voru bara krakkar úr UMFG og UMSB sem voru að æfa en hópurinn taldi rúmlega 30. 

Byrjað var á að fara niður á völl og skokka tvo hringi í upphitun og síðan var haldið áfram að hita upp niður á stóra ganginum í íþróttahúsinu.  Eftir það var farið inn í sal og tekin tækniæfing þar sem var farið létt yfir nokkrar greinar.  Eftir það skelltu allir sér í sund í nokkrar mínútur og síðan brunað á Mótel Venus og borðuð pizza eins og hver gat í sig látið. 

Þetta tókst mjög vel og var Íris Grönfeldt héraðsþjálfari UMSB mjög ánægð með hvernig til tókst og vonar hún að þetta geti orðið vísir að einhverju meiru.

 

KH

Aftur í fréttayfirlit