Stóri plokkdagurinn 2025

Vorið er komið og við erum byrjuð að gera fínt hjá okkur!

Það er tilvalið að nýta góða veðrið og taka þátt í STÓRA PLOKKDEGINUM, hreinsa plast og annað rusl sem safnast hefur á víðavangi eftir veturinn.

Í ár verður skipulögð dagskrá:

• Klukkan 11:00 hittast allir í Þríhyrning.
• Fólki er skipt upp í fimm hópa, einn hópur fyrir hvert litahverfi og einn hópur fer uppfyrir bæinn.
• Allir fá ruslapoka og hanska og búið verður að koma fyrir ruslasöfnunarsvæði í hverju hverfi þar sem hægt er að skila af sér rusli.
• Plokkað verður í tvo klukkutíma
• Klukkan 13:00 hittast allir aftur í Þríhyrning þar sem boðið verður upp á léttar veitingar.

Gleðjumst yfir góðu dagsverki og njótum þess að vera saman í hreinna umhverfi og fallegri bæ!