50. Stjórnarfundur

50. stjórnarfundur Eyrbyggja 24. feb. 2004  kl 20:00 í Lágmúla 6, í Reykjavík.

Viðstaddir: Ásthildur Elva Kristjánsdóttir, Orri Árnason, Bjarni Júlíusson, Hafdís Gísladóttir, Hermann Jóhannesson, Gísli Karel Halldórsson, Katrín Gísladóttir

1.               Fundargerðir

Fram hefur komið óánægja með að fundargerðir eru hættar að berast til félagsmanna.  Þetta er vegna tæknilegra öruðugleika en stendur til bóta.

2.               Ljósmyndir

Prentuð hafa verið 2000 eintök af víðmyndum sem sýna Stöðina (Brimlárhöfða).  Lionsklúbbur Grundarfjarðar mun dreifa myndunum í hús í Grundarfirðði og einnig munu þær fylgja næsta bók félagsins.

3.               Fjármögnun

Ræddar voru leiðir til að fjármagna starfsemi félagsins.

4.               Efnisyfirlit næsta bókar

Efnisyfirlit næstu bókar liggur fyrir.  Ljóst er að mikið efni er tilbúið í næstu bók, en eftir er að klára nokkrar greinar og er mikilvægt að fylgja því eftir að þær verði kláraðar.

5.               Grundfirðingakvöld

Ákveðið var að halda mynda og sögukvöld, 25. mars næstkomandi kl. 20.00, á Amokka kaffihúsi í Borgartúni 21a í Reykjavík.  Þar verður ljósmynum frá Grundarfirði varpað upp á tjald og gestum gefst tækifæri til að segja og hlusta á sögur.  Eigendur Amokka kaffihúss eru hjónin Sigríður Erla Jónsdóttir og Emil Emilsson, gamall Grundfirðingur.  Bjarni Júlíusson ætlar að hafa samband Inga Hans vegna ljósmynda. 

6.               Kynning á félaginu

Fram kom á fundinum að margir brottfluttir Grundfirðingar vita ekki af félaginu.  Full ástæða er að ná til þeirra og kynna þeim starfsemi félagsins. 

Boðað verður til næsta fundar síðar.