Aðstoðarmatráður óskast

Leikskólinn Sólvellir óskar eftir að ráða aðstoðarmatráð, um framtíðarstarf er að ræða. Meginverkefni eru aðstoð við matseld og bakstur, sem felur í sér annars vegar hádegisverð fyrir grunnskóla og leikskóla og hins vegar aðrar léttar máltíðir fyrir leikskóla. Aðstoðarmatráður tekur þátt í skipulagi matseðla allt að mánuð fram í tímann, aðstoðar við innkaupaþörf og þrif í eldhúsi. Auk þess annast aðstoðarmatráður önnur þau verkefni sem honum kunna að vera falin og falla að markmiðum starfsins.

Aðstoðarmaður leysir af matráð eftir þörfum hverju sinni.  Í leikskólanum er eldað fyrir  fyrir grunnskólann og Eldhamra á leikskólanum fyrir um 170 manns, ásamt morgunmat og miðdegishressingu fyrir um 65 manns. Leikskólinn Sólvellir er þáttakandi í verkefninu heilsueflandi leikskóli. Aðstoðarmatráður mun koma að vinnu við að móta stefnu fyrir leikskólann á sviði næringar, ásamt stjórnendum.

Menntunar- og hæfniskröfur:

• Menntun og reynsla sem nýtist í starfi er æskileg
• Skipulagshæfni, snyrtimennska og sjálfstæði í vinnubrögðum
• Hæfni í mannlegum samskiptum og frumkvæði í starfi

Launakjör eru samkvæmt kjarasamningi Sambands íslenskra sveitarfélaga við Starfsmannafélag Dala- og Snæfellsness og Verkalýðsfélags Snæfellinga. Gerð er krafa um hreint sakarvottorð.

Ráðið er í starfið sem fyrst.

Umsóknarfrestur er til 15. mars nk.

Sótt er um starfið á vefsíðu Leikskólans Sólvalla, http://solvellir2.leikskolinn.is

Nánari upplýsingar um starfið veita Heiðdís Lind Kristinsdóttir, leikskólastjóri og Ingibjörg Þórarinsdóttir, aðstoðar­leikskólastjóri, í síma 438 6645 eða með því að senda fyrirspurnir á netfangið heiddis@gfb.is