Áhrif verkfalls BSRB á starfsemi Grundarfjarðarbæjar

Samningaviðræður milli BSRB og samningarnefndar Sambands íslenskra sveitarfélaga hafa ekki skilað árangri. Boðuð verkföll hófust því á miðnætti, aðfararnótt mánudags 5. júní á eftirfarandi starfsstöðvum Grundarfjarðarbæjar og standa sem hér segir, nema samningar náist fyrr: 

• Íþróttahús, sundlaug: frá 5. júní 2023, ótímabundið. 
  Sundlaug og íþróttahús verða því lokuð ótímbundið frá og með 5. júní.  
  Hægt er þó að ná í íþrótta- og tómstundafulltrúa vegna forsvars fyrir mannvirkin.
• Leikskólinn Sólvellir: frá 5. júní til loka miðvikudags 5. júlí, hjá starfsfólki í Kili, stéttarfélagi. 
  Starfsemi leikskólans er verulega skert og hafa foreldrar barna fengið tilkynningar um starfsemina næstu daga.
• Bæjarskrifstofur/ráðhús: frá 5. júní til loka miðvikudags 5. júlí, v. starfsfólks Kjalar, sem ekki er undanþegið verkfallsheimild. 
  Ráðhúsið verður opið, en starfsemi er takmörkuð við það starfsfólk sem verður ekki í verkfalli, sem eru bæjarstjóri, skrifstofustjóri og launa- og innheimtufulltrúi. 

Af um 85 starfsmönnum bæjarins eru um 40 starfsmenn í BSRB og af þeim eru  17 í verkfalli skv. ofangreindu eða um 20% starfsmanna bæjarins.