Fréttir & tilkynningar

Bókasafn Grundarfjarðar er opið frá 16. ágúst. til 31. maí:Mánudaga - fimmtudaga kl. 15:00-18:00, föstudaga kl. 15-17 og á fimmtudagskvöldum áfram til kl. 20:00. Ath breyttan tíma á föstudögum.  

Melrakkaey Svona var útsýnið í Grundarfirði í morgun. Engu er líkara en að eyjan hangi í lausu lofti. Gaman að svona raunhæfum sjónhverfingum, myndin er ekki tölvuunnin!   

Skemmtiferðaskipið Funchal kom til hafnar í morgun kl. 08:00. Skipið verður hér í allan dag og fer kl. 20:00. Farþegar skipsins eru um 450, flestir frá Hollandi.  

Nú er hægt að skoða Vikublaðið Þey á internetinu. Ekki aðeins að blaðið sé nú aðgengilegt um allan heim, heldur er það einnig í lit. Smellið á meðfylgjandi hlekk ...   Vikublaðið Þeyr

Um helgina, 13. - 15. ágúst verður árleg bæjarhátíð Hólmara. Bryggjuball, markaðstjald, leiktæki, listir og menning og margt, margt fleira. Sjá dagskrá hér. 

Elínborg Sturludóttir hefur verið valin úr hópi fjögurra vel hæfra umsækjenda til að gegna embætti sóknarprests í Grundarfirði frá 1. september 2004. Embættið var auglýst laust fyrr í sumar og sóttu um auk sr. Elínborgar guðfræðingarnir Ingólfur Hartvígsson, Sigríður Rún Tryggvadóttir og Þóra Ragnheiður Björnsdóttir.  

3.fl kv spilaði  á móti Grindavík í kvöld og tapaði 4-12. Kristín átti þrjú mörk og Hafdís Lilja eitt. Þetta var síðasti leikurinn hjá 3.fl á mótinu í sumar og hafa stelpurnar staðið sig vel og mæta reynslunni ríkari til leiks næsta sumar. 

Sólin skein skært á vellinum í dag en ekki með okkar liðum. 4.fl kv fékk lið Víði/Reyni í heimsókn í dag og það er skemmst frá því að segja að við töpuðum báðum leikjunum 2-7. Mörk A liðsins gerð Dagfríður og Sigurrós og mörk b liðsins gerðu þær Björg og Bryndís.

5.flokkur karla keppti við Víking Reykjavík í dag. A liðið sigraði 11-1 en B liðið tapaði naumlega 2-1.