Fréttir & tilkynningar

Kjörfundur vegna sveitarstjórnarkosninga í Grundarfirði verður í Samkomuhúsi Grundarfjarðar laugardaginn 26. maí 2018.   Kjörfundur stendur yfir frá kl. 09:00 til kl. 22:00.   Kjósendur þurfa að framvísa persónuskilríkjum.     Kjörstjórn Grundarfjarðar   

Innritun fyrir skólaárið 2018 – 2019 fer fram daganna 17. maí til 1. júní 2018 Kennt er á öll helstu hljóðfæri (sjá nánar hér að neðan). Nemendur fá einnig hópkennslu í tónfræði og tónheyrn.   Vinsamlegast skilið umsóknum til ritara grunnskólans eða á bæjarskrifstofu fyrir 1. júní nk.   Umsóknareyðublað

    Kjörskrá Grundarfjarðarbæjar vegna sveitastjórnarkosninga 26. maí 2018 hefur verið yfirfarin og staðfest.   Kjörskráin liggur frammi á bæjarskrifstofunni, almenningi til sýnis, frá og með miðvikudeginum 16. maí til kjördags á opnunartíma skrifstofunnar.   Athugasemdum við kjörskrá má koma á framfæri í samræmi við lög um kosningar til sveitarstjórna.  

  Nemendur frá vinabæ Grundarfjarðar, Paimpol í Frakklandi, hafa verið hér í bænum frá því á laugardaginn, 12. maí, og munu dvelja hér í vikutíma. Það eru fjölskyldur nemenda úr sjötta, sjöunda og áttunda bekk í Grunnskóla Grundarfjarðar sem hýsa gestina meðan á dvölinni stendur og er búið að gera heilmikla dagskrá fyrir alla vikuna.    

    Það var mikið húllumhæ þegar útskriftarnemendur úr Fjölbrautaskóla Snæfellinga dimiteruðu í Grundarfirði í morgun. Fjörið byrjaði fyrir allar aldir en nemarnir fóru á fætur um 4:30 og mættu svo eldhressir heim til forseta nemendafélagsins og vöktu hann um klukkan hálf sex.   Þaðan hélt hópurinn í morgunverð í FSN þar sem farið var í leiki og ljóð um hvern og einn nemanda lesið upp. Loks var farið í vöfflukaffi með kennurum skólans.  

Leikskólinn Sólvellir og leikskóladeildin Eldhamrar leita að leikskólakennurum til starfa. Æskilegt er að umsækjendur geti hafið störf í ágúst 2018. Um 100% störf er að ræða. Leikskólinn Sólvellir er starfræktur að Sólvöllum 1. Leikskóladeildin Eldhamrar er starfrækt innan Grunnskóla Grundarfjarðar, að Borgarbraut 19, en starfar eftir lögum og aðalnámskrá leikskóla.   Vakin er athygli á stefnu Grunnskóla Grundarfjarðar og Leikskólans Sólvalla um jafnan hlut kynja í störfum.    

Grunnskóli Grundarfjarðar auglýsir kennarastöður lausar til umsóknar. Önnur þeirra er tímabundin til eins árs. Meðal kennslugreina eru danska, íslenska og fleiri greinar á mið- og unglingastigi   Grunnskóli Grundarfjarðar er rúmlega 90 nemenda skóli. Í skólanum er leikskóladeildin Eldhamrar.    

Ársskýrslan 2017 er komin á vefinn.       

215. fundur bæjarstjórnar Grundarfjarðar verður haldinn þriðjudaginn 8. maí 2018, í Ráðhúsi Grundarfjarðar, kl. 16:30.  

    Nú er kosning utan kjörfundar hafin vegna sveitarstjórnarkosninga sem fram fara 26. maí nk. Samkvæmt auglýsingu Sýslumannsins á Vesturlandi frá 30. apríl sl. er ekki gert ráð fyrir því að Grundfirðingar geti kosið utan kjörfundar í heimabyggð.