Berserkur 2006

Mánudaginn 24. júlí n.k fer sveppurinn í loftið. Götur, torg og önnur bæjarprýði verða hvergi óhult fyrir sköpunarkrafti ungra listamanna. Ef þú hefur áhuga á að virkja unga ferska orku taktu þá upp tólið og hringdu núna í síma 891-7802 (Þóra Magga) eða 690-9601 (Sonja).

Smiðjurnar eru ætlaðar ungmennum á aldrinum 16 – 25 ára (´81-´90).
Eftirfarandi smiðjur eru í boði:
 

Art Craft og götuleikhús – taktu þátt í áhættuatriðum, leikmyndahönnun, stultugangi, að spúa eldi og magnaðri sýningu.

Stuttmyndagerð – kynnstu  heimi stuttmyndagerðar, gerðu stuttmynd og fylgstu með tökum við gerð stuttmyndar.

Ljósmyndasmiðja – taktu myndir af tröllum, vættum, mannlífi og dýralífi á nesinu. Fáðu hjálp við að læra á vélina þína og skyggnstu bakvið linsuna. Vertu  með í ljósmyndamaraþoni þar sem vegleg verðlaun verða í boði.

Hljómsveita- og tónlistarsmiðja – rokk og ról á fullum krafti sem og órafmagnað. Upptökur í Protools og frumsamið efni gefið út á disk. Órafmagnaðir tónleikar á fimmtudagskvöldi og Berserkjarokk á laugardeginum.

Skartgripagerð – sköpunargleðin í fyrirrúmi. Glingraðu þig upp fyrir hátíðarhelgina. Hluti af afrakstri smiðjunnar verður til sölu laugardaginn 29.júlí.

Vertu BERSERKUR og daðraðu við listagyðjuna.

Upplýsingar um listahátíðina veita Þóra Margrét og Sonja Karen.