Grenndarkynning, Grundargata 82 og 90

Grenndarkynning þessi er byggð á 1. mgr. 44. gr. skipulagslaga nr. 123/2010 þar sem kveðið er á um að þegar sótt er um byggingarleyfi sem er í samræmi við landnotkun, byggðarmynstur og þéttleika byggðar í þegar byggðu hverfi en deiliskipulag liggur ekki fyrir, skuli skipulagsnefnd láta fara fram grenndarkynningu.

Samkvæmt Aðalskipulagi Grundarfjarðar 2019-2039 er lóðin á svæði sem ætlað er fyrir íbúðarlóðir, en svæðið hefur þó ekki verið útfært nánar í deiliskipulagi.

Í grenndarkynningu felst að þeim nágrönnum, sem hagsmuna eiga að gæta, að mati skipulags- og umhverfisnefndar, er kynnt málið skriflega og gefinn kostur á að tjá sig um það, innan ákveðins frests sem skal vera a.m.k. fjórar vikur. 

Hér fyrir neðan er hægt að sjá afstöðumynd og útlit fyrirhugaðra framkvæmda:

Grundargata 82

Grundargata 90

Kynningarbréf hafa verið send til eigenda fasteigna við Grundargötu 65, 67, 69, 76, 78, 80, 84 og 86 vegna byggingaráforma á Grundargötu 82 og til eigenda fasteigna við Grundargötu 69, 84, 86, 88, 92 og 94 vegna framkvæmda á Grundargötu 90. Gefst þeim frestur til og með miðvikudagsins 24. apríl 2024 til að gera athugasemdir. Berist engar athugasemdir innan þessara 4 vikna teljast byggingaráformin samþykkt.

Athugasemdum má skila í Ráðhús Grundarfjarðarbæjar, Borgarbraut 16 eða á netfangið skipulag@grundarfjordur.is, merkt "Grundargata 82/90".

Heimilt er að stytta tímabil grenndarkynningar berist undirritað samþykki þeirra fasteignareigenda sem kynningarbréf fengu, sbr. 3. mgr. 44. gr, skipulagslaga nr. 123/2010.

Nánari upplýsingar hafa eigendur framangreindra fasteigna fengið í bréfi sem borið var í hús. 

Skipulagsfulltrúi Grundarfjarðarbæjar