07.01.2004
Stjórnsýsla - fréttir

Athygli er vakin á að samkvæmt lögum um húsaleigubætur nr. 138/1997 skal endurnýja umsókn um húsaleigubætur árlega í upphafi árs og gildir umsóknin til ársloka.

 

Umsækjendur um húsaleigubætur í Grundarfjarðarbæ eru minntir á að skila umsókn fyrir árið 2004 til Félags- og skólaþjónustu Snæfellinga, Klettsbúð 4, 360 Hellissandur, eða til bæjarskrifstofu Grundarfjarðar, fyrir 16. janúar 2004.

 

Húsaleigubætur eru greiddar eftir á fyrir hvern mánuð eins og lög um húsaleigubætur gera ráð fyrir.

 

Skilyrði fyrir húsaleigubótum eru m.a. eftirfarandi:

Að umsækjandi hafi lögheimili í Grundarfjarðarbæ.

Að umsækjandi hafi þinglýstan húsaleigusamning til a.m.k. sex mánaða.

Að umsækjandi skili inn inn staðfestu skattframtali ásamt launaseðlum síðustu mánaða.

 

Umsóknareyðublöð fást á skrifstofu Félags- og skólaþjónustu Snæfellinga, Klettsbúð 4, 360 Hellissandi, sími 430 7800, og á bæjarskrifstofu Grundarfjarðar, Grundargötu 30.

 

 

Félags- og skólaþjónusta Snæfellinga 

Aftur í fréttayfirlit