09.07.2004
Stjórnsýsla - fréttir

Eins og flestir vita verður sú nýbreytni tekin upp á hátíð Grundfirðinga nú í lok júlí ,,Á góðri stund í Grundarfirði" að hafa svokallaðar hverfahátíðir. Bænum er skipt upp í fjögur hverfi þar sem hvert hverfi fær sinn lit. Hvert hverfi heldur svo ,,hverfahátíð" seinni part laugardags.

Að hátíð lokinni ganga hóparnir fullum skrúða niður að hátíðarsvæði þar sem hvert hverfi verður með skemmtiatriði.

Undirbúningur hverfahátíðanna er kominn í fullan gang og eru hverfastjórar komnir til starfa í öllum hverfum. Hverfastjórar hafa það hlutverk að kalla saman fólkið úr sínu hverfi til þess að skipuleggja herlegheitin. Hóparnir sitja nú hverjir í sínu horni og undirbúningsvinnan er að sjálfsögðu algert leynimakk. Lokapunkturinn verður svo miklu skemmtilegri takist hópunum að halda atriðunum leyndum fram á síðustu stundu!

Aftur í fréttayfirlit