Jólakort Grundarfjarðarbæjar 2022

Verðlaunamyndin sem Guðrún Ósk teiknaði - Stúfur knúsar jólaköttinn.

 Jólakort Grundarfjarðarbæjar 2022

Eins og fjögur síðastliðin ár tóku nemendur Grunnskóla Grundarfjarðar þátt í því skemmtilega verkefni að teikna jólamyndir fyrir "Jólakort Grundarfjarðarbæjar 2022".

Afraksturinn var góður, tugir fjölbreyttra jólamynda sem voru fallegar og jólalegar og sumar fyndnar og skemmtilegar. 

Starfsfólk bæjarskrifstofu var fengið í lokadómnefndina.

Valin var jólakortamynd ársins 2022, en það var Guðrún Ósk Aðalsteinsdóttir í 6. bekk sem teiknaði vinningsmyndina í ár. Á myndinni er Stúfur að knúsa jólaköttinn. 

Björg Ágústsdóttir bæjarstjóri heimsótti Guðrúnu Ósk seinnipartinn á Þorláksmessu og færði henni viðurkenningu Grundarfjarðarbæjar.