Jólaundirbúningur stendur sem hæst í  Grundarfirði þessa dagana. Aðventukvöld var haldið í Grundarfjarðarkirkju sl. sunnudag. Þar sungu Kirkjukór Grundarfjarðarkirkju og Barnakirkjukórinn með stakri list ásamt því að krakkar úr tónlistarskóla Grundarfjarðar spiluðu.

 

 

Í gærkvöldi (fimmtudag) var haldið upplestrakvöld í Krákunni. Þar lásu Súsanna Svavarsdóttir, Þráinn Bertelsson, Árni Þórarinsson og Páll Ásgeir Ásgeirsson upp úr nýútkomnum bókum sínum.  Þetta var einstaklega vel heppnað kvöld í alla staði.

Með fylgjandi eru myndir af kvöldinu sem Hrafnhildur Jóna Jónasd. tók

Árni Þórarinsson les úr bók sinni Tími nornarinnar

Páll Ásgeir Ásgeirsson les úr bók sinni um Láru miðil

Súsanna Svavarsdóttir les úr bók sinni Dætur hafsins

Þráinn Bertelsson les úr bók sinni Valkyrjur