Einu sinni byrjuðu jólin alltaf í Þórðarbúð. 

Dagana 21. – 23. desember, kl. 16 – 18, verður sérstök jólasýning í leikfangasafninu Þórðarbúð í Sögumiðstöðinni. 

Af því tilefni fylgir hér upprifjun um kvöld á aðventu frá manni sem upplifði ævintýrið í Þórðarbúð sem ungur drengur:  „Það voru bara nokkrir dagar til jóla og við krakkarnir farin að hlakka til.  Bráðum kæmi jóladótið í búðirnar.  Svo var það kvöld eitt, eftir lokun, að gluggar búðanna voru byrgðir með umbúðapappír og allir vissu hvað var á seyði.  Jólavörurnar voru komnar.  Við héngum á gluggunum í von um að einhversstaðar væri rifa sem við gætum gægst inn um.  Tilhlökkunin var mikil því leikföng sáust ekki í búðum nema þessa fáu daga fyrir jól.“

 

Allir eru velkomnir!  Frítt er inn fyrir börn og Vini Sögumiðstöðvar, en aðrir greiða 500 krónur.