Kveldúlfur á Kaffi 59 - Hálendingurinn

Kvikmyndaklúbburinn Kveldúlfur fundar á Kaffi 59, fimmtudaginn 11. nóvember klukkan 21:00. Efni fundar er kvikmyndin Highlander frá árinu 1986, sem skartar þeim Cristopher Lambert, Sean Connery og ekki má gleyma honum Clancy Brown. Hálendingurinn Connor MacLeod áttar sig á því einn daginn að hann er ódauðlegur. Sú uppgötvun dregur skiljanlega dilk á eftir sér. Internet Movie Database gefur myndinni 7,2 í einkunn. Enginn aðgangseyrir og tilboð á krana.