Safnað fyrir vatnsrennibraut

Þessar duglegu Grundarfjarðarhnátur komu við á bæjarskrifstofunni í gær. Þær heita Brynja Gná, Karen Lind, Elva Björk, Svanhildur Ylfa og María Margrét. Tilefnið var að afhenda fé sem þær höfðu safnað til kaupa á vatnsrennibraut í sundlaug bæjarins. Þær söfnuðu 6.429 kr og bætist það í sjóðinn. Þessi sjóður var stofnaður árið 1997 og margir kraftmiklir krakkar gefið í hann í gegnum tíðina. Í dag eru rúmlega 96.000 kr. í sjóðnum. Við þökkum þeim fyrir gott framtak.