Sendiherra Frakklands heimsótti Grundarfjörð

Philippe O’Quin, sendiherra Frakklands á Íslandi, varði deginum í Grundarfirði í gær en hann er afar áhugasamur um tengsl bæjarins við vinabæinn, Paimpol í Frakklandi. Sendiherrann heimsótti fiskvinnslufyrirtækið G.Run sem flytur megnið af sínum afla til Frakklands, borðaði hádegisverð á Bjargarsteini, skoðaði Grundarkamp og fékk kynningu á samskiptum Grundfirðinga og Frakka í fortíð og nútíð, sem og framtíðarplön um heimsóknir milli vinabæjanna tveggja.

Það var virkilega ánægjulegt að taka á móti Philippe O’Quin sendiherra og kynna fyrir honum bæinn okkar vináttuna við íbúa Paimpol í Frakklandi og þakkar Grundarfjarðarbær fyrir þátttöku þeirra sem tóku þátt og lögðu hönd á plóg við að gera heimsókn sendiherrans sem ánægjulegasta.