Þórunn Sveinbjarnardóttir, umhverfisráðherra, í heimsókn í Grundarfirði og víðar á Snæfellsnesi

Þórunn Sveinbjarnardóttir, umhverfisráðherra fór um Snæfellsnesið í dag og hélt fundi með sveitarstjórnarfóki og fleirum.  Ráðherrann vildi m.a. kynna sér frá fyrstu hendi stöðu mála í Green Globe verkefninu.  Mörg önnur umhverfismálefni voru einnig rædd og nefna má t.d.; úrbætur í frárennslismálum, lög um verndun Breiðafjarðar, frumvörp um skipulags- og mannvirkjamál, friðlýsingar, Þjóðgarðinn, upptöku votlendis Breiðafjarðar á Ramsar skrá o.fl. o.fl.  Eftir heimsókn til Stykkishólms kom ráðherrann til Grundarfjarðar þar sem haldinn var

fundur með bæjarráði Grundarfjarðarbæjar og bæjarstjóra.  Að loknum fundi með fulltrúum bæjarstjórnarinnar hélt ráðherrann í Fjölbrautaskóla Snæfellinga og síðan til Snæfellsbæjar. 

Ráðuneytisstjóri og aðstoðarfólk ráðherra voru með í för auk alþingismannanna Guðbjarts Hannessonar og Karls V. Matthíassonar.  Þórunn Sigþórsdóttir, starfsmaður Green Globe á Snæfellsnesi fylgdi ráðherranum og fylgdarliði um byggðarlögin á Snæfellsnesi.  Ánægjulegt er þegar ráðherrar gefa sér tíma til þess að fara um landið og kynnast fólki og viðhorfum þess til margvíslegra málaflokka sem ekki er endilega hampað daglega í umræðu á Alþingi eða í fjölmiðlum.