Viltu vinna með okkur á Leikskólanum Sólvöllum?

Leikskólinn Sólvellir leitar að öflugum liðsmönnum

Leikskólinn Sólvellir óskar eftir að ráða til starfa leikskólakennara og deildarstjóra, einnig matráð og starfsfólk í afleysingar. Æskilegt er að umsækjendur geti hafið störf sem fyrst. Umsóknarfrestur er til og með 16. nóvember nk., nema fyrir afleysingar. 

Leikskólakennari, 100% starf - umsóknarfrestur til og með 16. nóvember 2021

Starf leikskólakennara felst í þátttöku í faglegu starfi deildar.  
Helstu verkefni og ábyrgð leikskólakennara:

• Þátttaka í þróun leikskólastarfsins í samvinnu við stjórnendur
• Vinna að menntun og uppeldi leikskólabarna samkvæmt starfslýsingu leikskólakennara
• Þátttaka í skipulagningu faglegs starfs og foreldrasamstarfs
• Mikið er lagt upp úr foreldrasamvinnu og góðum samskiptum

Menntunar- og hæfniskröfur:

• Kennaramenntun (leyfisbréf)
• Reynsla af uppeldis- og kennslustörfum með ungum börnum æskileg
• Áhugi á að vinna með börnum
• Lipurð og sveigjanleiki í samskiptum
• Frumkvæði í starfi
• Góð íslenskukunnátta 

Deildarstjóri, 100% starf - umsóknarfrestur til og með 16. nóvember 2021

Staðan er laus frá 1. janúar 2022 eða eftir samkomulagi.
Starf deildarstjóra felst í skipulagningu á faglegu starfi deildar og samskiptum við foreldra.  
Helstu verkefni og ábyrgð deildarstjóra:

• Skipulagning á þróun leikskólastarfsins í samvinnu við aðra stjórnendur
• Vinna að uppeldi og menntun leikskólabarna samkvæmt starfslýsingu leikskólakennara
• Skipulagning faglegs starfs og foreldrasamstarfs
• Mikið er lagt upp úr foreldrasamvinnu og góðum samskiptum

Menntunar- og hæfniskröfur:

• Kennaramenntun (leyfisbréf)
• Reynsla af uppeldis- og kennslustörfum með ungum börnum æskileg
• Hæfni í mannlegum samskiptum og frumkvæði í starfi
• Lipurð og sveigjanleiki í samskiptum
• Sjálfstæð og skipulögð vinnubrögð
• Góð íslenskukunnátta

Fyrir störf leikskólakennara og deildarstjóra gildir, að ef ekki fást leikskólakennarar til starfa verða leiðbeinendur ráðnir.  Umsókn skal fylgja greinargott yfirlit yfir menntun, fyrri störf, meðmælendur og annað sem umsækjandi telur máli skipta. Launakjör eru samkvæmt kjarasamningi Sambands íslenskra sveitarfélaga og Kennarasambands Íslands vegna Félags leikskólakennara.

Matráður, 100% starf - umsóknarfrestur er til og með 16. nóvember 2021

Um er að ræða líflegt starf matráðs, sem felst í að hafa umsjón með eldhúsi, þar sem eldað er fyrir börn og starfsfólk í leik- og grunnskóla. 
Matráður sér um matseld á heitum hádegismat og bakstur, skipuleggur matseðla og annast innkaup á matvörum og öðrum aðföngum, annast frágang og tilheyrandi þrif og skipuleggur starfið í eldhúsinu. 
Matráður, ásamt aðstoðarmanni í eldhúsi, hefur umsjón með matseld á hádegismat fyrir allt að 170-190 börn og starfsmenn leikskóla, grunnskóla og leikskóladeildarinnar Eldhamra. Matráður sér um morgunmat og miðdegishressingu fyrir leikskólabörn og starfsfólk, um 50-60 manns. 

Leikskólinn Sólvellir er þátttakandi í verkefninu Heilsueflandi leikskóli. Matráður kemur að spennandi vinnu skólans í því verkefni, m.a. að því að móta stefnu fyrir leikskólann á sviði næringar og umgengni við mat. 

Menntunar- og hæfniskröfur:

• Menntun á viðkomandi sviði og/eða reynsla sem nýtist í starfi er kostur
• Þekking og meðvitund um næringargildi og hollustu í matargerð er æskileg
• Skipulagshæfni, snyrtimennska og sjálfstæði í vinnubrögðum er skilyrði
• Lipurð og færni í mannlegum samskiptum og frumkvæði í starfi er skilyrði

Um fast starf er að ræða, en ráðið verður með reynslutíma í upphafi. 
Launakjör eru samkvæmt kjarasamningi Sambands íslenskra sveitarfélaga við viðkomandi stéttarfélag. 
Umsókn skal fylgja yfirlit yfir menntun, fyrri störf, meðmælendur og annað sem umsækjandi telur máli skipta. 

Afleysing, tímabundin ráðning  

Einnig er leitað eftir starfsfólki í afleysingar, bæði á deildum og í eldhúsi. Vinnufyrirkomulag getur verið sveigjanlegt. 

Leitað er að jákvæðum einstaklingum sem hafa áhuga á að vinna með börnum, eiga gott með samskipti og eru sveigjanlegir og tilbúnir að takast á við fjölbreytt, faglegt og lifandi leikskólastarf. Leitað er að fólki í 100% starf/störf vegna fyrirsjáanlegs fæðingarorlofs starfsmanna, en einnig er leitað eftir afleysingarfólki í hlutastarf, sem gæti t.d. hentað framhaldsskólanemum samhliða námi. 

Almennar upplýsingar

Vinsamlegast athugið að Grundarfjarðarbær áskilur sér rétt til að fara fram á sakavottorð umsækjenda.