Starfslok skólastjóra Tónlistarskóla Grundarfjarðar

Í gær, þann 16. ágúst, var haldið kveðjuhóf í tilefni af starfslokum Friðriks Vignis Stefánssonar, skólastjóra Tónlistarskóla Grundarfjarðar. Friðrik hóf störf sem skólastjóri Tónlistarskólans árið 1988 og hefur haft mikil áhrif á tónlistarmenntun og tónlistarlíf í Grundarfirði á þessum 18 árum. Sl. ár hefur hann verið í námssleyfi en hyggst nú róa á önnur mið. Bæjarstjórn Grundarfjarðar færði honum málverk að gjöf með þökk fyrir vel unnin störf og ósk um velfarnað á nýjum vettvangi. Við starfi skólastjóra Tónlistarskólans tekur Þórður Guðmundsson.   Friðrik Vignir og Sigríður Finsen, forseti bæjarstjórnar.  

Upplýsingaskilti um Kirkjufell og fugla við Grundarfjörð

  Framkvæmdaráð Snæfellsness hefur látið setja upp tvö upplýsingaskilti vestan við þéttbýli Grundarfjarðar. Annað segir frá  Kirkjufellinu, staðartákni Grundarfjarðar,  og hitt veitir upplýsingar um fugla á svæðinu.  Náttúrustofa Vesturlands annaðist gerð skiltanna með styrk frá Ferðamálaastofu. Framkvæmdaráð Snæfellsnes hefur umjón með vinnu vegna umhverfisvottunar Snæfellsness.  

Leikskólakennari óskast

Við leikskólann Sólvelli vantar leikskólakennara til starfa. Hæfniskröfur: Leikskólakennarmenntun, færni í mannlegum samskiptum, frumkvæði í starfi, jákvæðni og áhugasemi, sjálfstæð og skipulögð vinnubrögð. Ef ekki fæst leikskólakennari verður ráðinn starfmaður með sambærilega menntun og/eða reynslu með börnum. Umsóknarfrestur er til 24. ágúst. Áhugasamir hafi samband við leikskólastjóra í Leikskólanum eða í síma 438-6645.  

Sprengingar í höfninni í dag

Verið er að vinna að dýpkun í höfninni vegna framkvæmda við nýja Litlu-bryggju. Í dag, um kl. 11, verður klöpp í höfninni sprengd og má búast við því að þorri bæjarbúa verði þess var. Beðist er velvirðingar á þeim óþægindum sem það kann að valda.

Leikskólinn Sólvellir tekinn til starfa eftir sumarfrí

Leikskólabörn að leik í nýju húsnæði  Leikskólinn Sólvellir tók til starfa aftur eftir sumarfrí í dag, 14. ágúst. Nýbygging leikskólans var jafnframt tekin í notkun í dag. Viðbyggingin er 173 m² að stærð og hýsir m.a. eldhús og starfsmannaaðstöðu. Auk viðbyggingarinnar var elsti hluti húsnæðisins endurbætt og andyri stækkað og endurnýjað. Byggingin er hin glæsilegasta og voru bæði starfsmenn og börn glöð í bragði í dag.

Fasteignamat ríkisins endurmetur fasteignir í Grundarfirði

Fasteignamat ríkisins er að ljúka við að endurmeta og samræma mat á fasteignum í Grundarfirði.  Þetta er gert að beiðni Grundarfjarðarbæjar vegna ósamræmis í verðmætamati einstakra eigna og lóða.  Búast má við talsverðri hækkun fasteignamats í Grundarfirði í kjölfar endurmatsins, en þó mismunandi milli eigna.         

Sundlaugin lokar kl. 16

Sundlaugin lokar kl. 16 í dag en ekki kl. 17 eins og fram kom hér á vefnum í gær. Lokunin er vegna framkvæmda á lóð við íþróttahúsið.

Gönguferð um horfnar byggðir Eyrarsveitar fellur niður

Af óviðráðanlegum orsökum fellur niður gönguferð með Inga Hans um horfnar byggðir Eyrarsveitar sem áætluð var á sunnudag, 13. ágúst.

Sprengingar í höfninni á morgun föstudag

Verið er að vinna að dýpkun í höfninni vegna framkvæmda við nýja Litlu-bryggju. Á morgun, föstudag, milli kl. 16 og 20 verður klöpp í höfninni sprengd og má búast við því að þorri bæjarbúa verði þess var. Beðist er velvirðingar á óþægindum sem það veldur.  

Sundlaugin lokar kl. 16 á föstudag

Vegna framkvæmda á plani við grunnskóla og íþróttahús verður sundlauginni lokað kl. 16 á morgun, föstudag. Opið verður á venjulegum tíma um helgina, frá kl. 12-17.