Fréttir & tilkynningar

Kennsla í Tónlistarskóla Grundarfjarðar hófst mánudaginn 4. sept sl. Í skólanum eru um 115 nemendur og enn eru nokkrir á biðlista. Kennslugreinar eru þær sömu og í fyrra, 16 talsins. Flestir nemendur stunda nám á píanó og gítar en vaxandi áhugi er fyrir slagverki og þverflautu. Kennarar eru þeir sömu og í fyrra; Þórður Guðmundsson, skólastjóri, Ari Einarsson, Alexandra Shukova og Baldur Orri Rafnsson. Í vetur er stefnt að því að stofna sérstaka skólahljómsveit þar sem valið verður í hverja stöðu. 

Skólastarf í Fjölbrautaskóla Snæfellinga er nú komið á fullt skrið. Um 260 nemendur eru skráðir í skólann, en þar af eru tuttugu nemendur úr grunnskólum á svæðinu sem stunda nám í einum eða tveimur áföngum og rúmlega tuttugu vélstjórnarnemendur sem stunda vélavarðanám. Síðan er stór hópur eldri nemenda, eða um 60 nemendur, sem stundar hlutanám í skólanum. Stærsti hópurinn er þó nemendur á framhaldsskólaaldri sem stundar fullt nám í skólanum.  

verður haldinn fimmtud. 14. september 2006 kl. 17.00 í samkomuhúsinu. Á dagskrá eru meðal annars fundargerðir nefnda og ráða, rekstraryfirlit og skil á staðgreiðslu jan-ágúst, heimild til hækkunar á yfirdráttarheimild, heimild til auglýsingar á tillögum að deiliskipulagi nýrra íbúðahverfa, tilboð í meðhöndlun og förgun sorps, kosning fulltrúa á aðalfund SSV, erindi frá Alþjóðlegri kvikmyndahátíð í Reykjavík og ýmis gögn til kynningar. Fundurinn er öllum opinn. Bæjarstjóri 

Í gær, fimmtudaginn 7. september, var nýbygging Leikskólans Sólvalla vígð formlega. Í tilefni dagsins var opið hús í leikskólanum þar sem gestir gátu skoðað glæsilegu húsakynnin og þegið kaffiveitingar. Sr. Elínborg Sturludóttir sóknarprestur blessaði húsið. Í leikskólanum eru í dag 42 nemendur, 15 drengir og 27. stúlkur. 6 leikskólakennarar eru starfandi, 4 leiðbeinendur, 1 leikskólaliði og einn matráður.   Fimm af sex leikskólastjórum frá upphafi, f.v. Guðbjörg Guðmundsdóttir, Hjördís Vilhjálmsdóttir, Matthildur Guðmundsdóttir, Eydís Lúðvíksdóttir og Sigríður Herdís Pálsdóttir núverandi leikskólastjóri. Á myndina vantar Rebekku Jónsdóttur.  

  Albert Eymundsson fyrrum skólastjóri og bæjarstjóri á Hornafirði hefur verið ráðinn forstöðumaður Félags- og skólaþjónsutu Snæfellinga. Sigþrúður Guðmundóttir sem gengt hefur starfinu frá stofnun þjónustunnar lætur jafnframt af störfum.  

Fulltrúi Rannsóknamiðstöðvar Íslands, Rannís, Eiríkur Smári Sigurðarsonkynnir helstu sjóði í umsýslu Rannís og umsókna- og matsferli sjóðanna. 1.    Tækniþróunarsjóður: Hlutverk hans er að efla samkeppnishæfni íslensks atvinnulífs. Sjóðurinn styður rannsóknir og tækniþróun sem miða að nýsköpun í íslensku atvinnulífi. Umsóknarfrestur: 15. september 2006.    

Vatnslaust verður á Hlíðarvegi og Borgarbraut í kvöld, 4. september, frá kl. 21 og fram eftir kvöldi vegna vinnu við tengingar.  

Foreldrar verum samtaka   Frá 1. september til 1. maí er útivistartími sem hér segir:   12 ára börn og yngri mega vera úti til kl. 20 13-16 ára börn mega vera úti til kl. 22   Aldur miðast við fæðingarár.    Íþrótta- og tómstundanefnd

Miðvikudaginn 30. ágúst sl. voru tilboð í sorphirðu og rekstur gámasvæðis á Snæfellsnesi opnuð í húsakynnum Ríkiskaupa. Tvö tilboð bárust í verkið annars vegar frá Íslenska gámafélaginu ehf. og hins vegar frá Gámaþjónustu Vesturlands. Ríkiskaup eru, f.h. bæjarfélaganna, að meta tilboðin og fæst niðurstaða innan skamms.

Fréttatilkynning frá FMR:   Samkvæmt endurmatinu hækkaði lóðarmat íbúðarhúsnæðis verulega. Lóðarmat sérbýlis hækkaði um 101% og fjölbýlis um 135%. Lóðarmat íbúðarhúsalóða er reiknað með svipuðum hætti um land allt. Um er að ræða tvær formúlur; eina fyrir sérbýli, þar sem stærð lóðar hefur áhrif og aðra fyrir fjölbýli þar sem lóðarstærð hefur ekki áhrif. Í báðum tilfellum hafa bæðir stærð hússins og lóðarprósentan áhrif. Þessar formúlur voru myndaðar í stóra endurmatinu 2001, sjá greinargerð um endurmatið 2001 á heimasíðu FMR. Endurmatið í Fjarðabyggð 2004 og endurmatið í Grundarfirði nú byggja á endurskoðaðri aðferð við reikning húsmatis en lóðarmatsformúlur eru sömu gerðar og þær voru 2001.