Fréttir & tilkynningar

  Það verður samæfing hjá 5. fl kv í Grundarfirði á annan í hvítasunnu 28. mai kl 19:00. Það verður önnur samæfing 29. mai, það verður tilkynnt á fyrri samæfingunni hvar og klukkan hvað  hún verður. ATHUGIÐ breytingu á leik sem vera átti 31. mai er FLÝTT til 30. mai. Leikirnir verða sem hér segir: 5. fl kv A-lið   Snæfellsnes - ÍA á Ólafsvíkurvelli kl 17:00 5. fl kv B-lið   Snæfellsnes - ÍA á Ólafsvíkurvelli kl 17:50 

Í Leikskólanum er unnið að þróunarverkefninu ,,Ég og leikskólinn minn" ferlimöppur til   að skapa markvisst upplýsingaflæði milli skóla og heimilis. Þetta verkefni hefur verið í gangi með árgangi 2002 og lýkur þegar sá árgangur hættir í leikskólanum 2008 og hefur þá vonandi fests í sessi. Sótt var um styrk  í þróunarsjóð leikskóla fyrir þetta verkefni þegar við byrjuðum með það 2004 og fengum við krónur 250 000 fyrir skólaárið 2004 -2005. Við sóttum aftur um 2006 og fengum úthlutað fyrir skólaárið 2006 -2007 krónur 350 000. allt er þegar þrennt er og var ákveðið að sækja um í þróunarsjóð einu sinni enn fyrir síðasta árið með verkefnið og fengum við úthlutað fyrir skólaárið 2007 - 2008 krónur 300.000. Hægt er að lesa um http://leikskoli.grundarfjordur.is/upplysingar.htm  

Eftir að hafa slegið lið Höfrungs frá Þingeyri út úr forkeppni Visabikarsins þá mætti lið Grundarfjarðar 3ju deildarliði Snæfells úr Stykkishólmi á Grundafjarðarvelli þann 17. maí síðastliðinn.   Nokkrar breytingar þurfti að gera á byrjunarliði Grundarfjarðar sökum meisla, veikinda og utanlandsferða leikmanna svo fátt eitt sé nefnt.  Liðið sem hóf leikinn var þannig skipað:  Davíð Hansson Wíum var markvörður og vaktina í vörninni stóðu þeir Jón Frímann Eiríksson, Kristinn Óli Hallsson, Aðalsteinn Jósepsson og Olgeir Pétursson.  Á miðjunni léku Haukur Tómasson, Daníel Freyr Gunnarsson, Hafliði G. Guðlaugsson og Karvel Steindór Pálmason en frammi voru Davíð Stefánsson og Valur Tómasson.  Á bekknum voru Tómas Freyr Kristjánsson, Haraldur Hallsteinsson, Baldur Már Vilhjálmsson, Bjartmar Pálmason og Rúnar Geirmundsson en um liðstjórn sá Arnar Guðlaugsson.

Síðast liðinn miðvikudag, þann 16.maí, voru skólaslit og vortónleikar Tónlistarskóla Grundarfjarðar haldnir í sal fjölbrautaskólans. U.þ.b. 160 gestir heiðruðu nemendur tónlistarskólans með nærveru sinni. Undirritaður þakkar fyrir frábæran stuðning og áhuga á því starfi sem fram fer í skólanum. Myndir   Skólastjóri                                                                                                                     Þ.G.  

Það hefur verið ákveðið að halda foreldrafundi  til að kynna samstarfið  og starfið í sumar betur. Að auki verður nýr keppnisbúningur Snæfellsness sýndur.   Fundurinn er í kvöld mánudaginn 21. mai sem hér segir: Í Grundarfirði  í Samkomuhúsinu kl 19:30   Allir meðlimir fótboltaráðs HSH mæta á alla fundina auk þeirra þjálfara sem búa á hverjum stað.  Einnig hefur verið ákveðið að krakkarnir hlaupi áheitahlaup föstudaginn 25. mai. Það fyrirkomulag verður kynnt á foreldrafundunum.   Það þarf ekkert að fara mörgum orðum um það hversu mikilvægt það er fyrir alla aðila að foreldrar sýni starfi barna sinna áhuga, því gerum við ráð fyrir mjög góðri fundarsókn. 

Skólinn er að verða búinn og tilvalið að skila öllum bókum og geisladiskum sem bera merki bókasafnsins eða grunnskólans. FSN nemar munið að skila bókum.Skila má hvort sem er í grunnskólann eða á bókasafnið. Munið bótaskyldu fyrir glataðar eða skemmdar bækur.    Hægt er að skila bókum í kassa sem er í fordyri Smiðjunnar en það er opið fyrri partinn flesta daga.     Fylgist með breyttum opnunartíma bókasafnsins og kynnið ykkur þjónustuna.

Grundarfjörður sigraði Snæfell 4 – 3 á Grundagjarðarvelli í gær og eru því komnir áfram í 2. umferð í VISA – bikarkeppninni.  Næsti leikur verður á Varmárvelli þann 31. maí n.k. þar sem þeir mæta Aftureldingu sem leikur í 2. deild.

Aðalfundur UMFG verður haldinn í kvöld, 17. maí 2007, á Krákunni. Allir félagar UMFG eru hvattir til þess að mæta því án ykkar er ekkert félag.                                        Stjórn UMFG

Grundarfjörður leikur á móti Snæfelli í Visabikarnum á morgun, fimmtudaginn 17. maí.  Leikurinn hefst kl. 14:00 á Grundarfjarðarvelli. Nú verða allir að mæta á völlinn og hvetja sína menn.  

Síðastliðinn föstudag hófst bikarkeppni KSÍ, Visabikarinn, og í Grundarfirði áttust við Ungmennafélag Grundarfjarðar og Höfrungur frá Þingeyri.  Grundarfjörður hefur ekki sent inn lið í meistaraflokki karla í stóru mótin á vegum KSÍ síðan 1987 en þessi hópur samanstendur af hópi drengja sem hafa tekið þátt í utandeildinni í knattspyrnu síðustu ár.  Nokkrir þeirra hafa ákveðin tengsl við Grundarfjörð og fengu því þessa hugdettu að skrá sig í bikarkeppnina og fengu til þess leyfi hjá forsvarsmönnum Ungmennafélagsins.   Byrjunarlið Grundarfjarðar var skipað eftirfarandi leikmönnum:  Davíð Hansson Wíum stóð í markinu en um vörnina sáu Jón Frímann Eiríksson, Kristinn Óli Hallson, Stefán Friðleifsson og Steingrímur G. Árnason.  Á miðjunni léku Haukur Tómasson, Atli Kristinsson, Daníel Freyr Gunnarsson og Hafliði G. Guðlaugsson.  Frammi léku svo Baldur Már Vilhjálmsson og Valur Tómasson.  Varamenn voru Tómas Freyr Kristjánsson, Aðalsteinn Jósepsson, Davíð Stefánsson, Olgeir Pétursson og Bjartmar Pálmason.  Liðstjóri og sjúkraþjálfari voru síðan Auðunn G. Eiríksson og Haraldur Hallsteinsson.