Fréttir & tilkynningar

Skólaslit og vortónleikar tónlistarskólans verða í sal fjölbrautaskólans miðvikudaginn 16.maí kl.17:30. Allir velkomnir.    

Boðað er til aðalfundar Sjálfseignarstofnunar um Eyrbyggju – Sögumiðstöð   mánudagskvöldið 14. maí 2007 kl. 20.00 í Sögumiðstöðinni. Á dagskrá eru venjuleg aðalfundarstörf, m.a. skýrsla stjórnar, ársreikningur, frágangur stofnsamþykkta og kjör nýrrar stjórnar sjálfseignarstofnunarinnar. Umræða um framtíðarhlutverk og tækifæri fólgin í menningar- og þjónustuhlutverki Sögumiðstöðvar.     Mætum öll og tökum þátt í að móta mikilvæga starfsemi í heimabyggð.   Stjórnin   

Vinnuskóli fyrir unglinga fædda 1992 (9. bekkur) og 1993 (8. bekkur) Vinnutímabil er 19 dagar, hálfan daginn, unnið mánudaga til fimmtudaga kl. 8.30-12.00. Fyrri hópurinn byrjar að vinna 4. júní og er að vinna til 4. júlí. Seinni hópurinn byrjar að vinna 2. júlí og er að vinna til 1. ágúst.   Helstu verkefni verða fegrun umhverfisins og umhirða gróðurs. Vinnuskólinn er sambland af vinnu og námi. Þeir sem taka þátt í allri dagskránni fá greidd laun fyrir fræðsludaga. Í lokin verður að sjálfsögðu vegleg grillveisla. Umsóknarfrestur er til 26. maí. Umsóknareyðublöð fást hjá skólaritara í grunnskólanum og á bæjarskrifstofunni. Laun eru eftirfarandi: Unglingar í 8. bekk (fædd 1993), 355 kr. á tímann. Unglingar í 9. bekk (fædd 1992), 414 kr. á tímann. Orlofsfé er 10,17% og greiðst á alla tímavinnu. Reglur um vinnuskólann eru á vef Grundarfjarðarbæjar. Unglingar, foreldrar/forráðamenn eru hvattir til að kynna sér reglurnar.   ATH. Í auglýsingu sem að barst í vikublaðið kom fram að vinnan hjá 8. og 9. bekk væri frá 9:30 – 12:00, en vinnu tíminn er frá 8:30 – 12:00.    

Kjósendum er bent á að hægt er að kjósa utan kjörfundar í Grundarfirði.  Kosið er á skrifstofu sýslunnar í lögreglustöðinni að Hrannarstíg 2.  Skrifstofan er opin á virkum dögum frá kl. 11.00 til kl. 15.00. 

Kaupþing banki hefur ákveðið að leggja sitt lóð á vogaskálarnar til þess að auka grænmetisneyslu barna. Er öllum leikskólum sem vilja gefin efni, áhöld, fræ og könnur til að útbúa lítinn matjurtagarð. Mánudaginn 7. maí kom Þorgrímur Þráinsson sem heldur utan um þetta verkefni ásamt Olgu Aðalsteinsdóttur frá Kaupþing og færðu leikskólanemendum áhöld og fræ til að nota í matjurtagarðinn. Kemur þetta sé vel í matjurtagarð leikskólans sem nokkrir nemendur voru að undirbúa fyrir sáningu í síðustu viku. Hér koma myndir frá því og einnig þegar gjafirnar voru afhentar.  

 Starfsfólk Leikskólans tekur þátt í því átaki og hvetur jafnframt nemendur til að mæta á hjóli eða gangandi í leikskólann. Þessar myndir voru teknar föstudaginn 4. maí á bílaplani leikskólans og sést þar hvað allir taka þetta hátíðlega. Myndir

Sbr. ákvæði 2. málsliðar 68. gr. laga nr. 24/2000 m. s. br.   Alþingiskosningar verða laugardaginn 12. maí 2007 skv. ákvæðum laga nr. 24/2000 með síðari breytingum.   Kjörfundur í Grundarfjarðarbæ hefst kl. 10.00 og honum lýkur kl. 22.00 laugardaginn 12. maí 2007.   Kosið verður í einni kjördeild í Samkomuhúsi Grundarfjarðar.   Framvísa ber persónuskilríkjum á kjörstað ef kjörstjórn fer fram á það.   Kjörstjórn Grundarfjarðarbæjar.  

Sbr. ákvæði 2. málsliðar 68. gr. laga nr. 24/2000 m. s. br.   Alþingiskosningar verða laugardaginn 12. maí 2007 skv. ákvæðum laga nr. 24/2000 með síðari breytingum.   Kjörfundur í Grundarfirði hefst kl. 10.00 og honum lýkur kl. 22.00 laugardaginn 12. maí 2007.   Kosið verður í einni kjördeild í Samkomuhúsi Grundarfjarðar.   Framvísa ber persónuskilríkjum á kjörstað ef kjörstjórn fer fram á það.   Kjörstjórn Grundarfjarðar.  

  Fyrsta skipið sem lagðist að nýju bryggjunni í Grundarfjarðarhöfn var Haukabergið SH 20.  Haukabergið lagðist að bryggjunni á hátíðar- og baráttudegi verkalýðsins 1. maí sl.  Þetta var merkilegur áfangi í sögu hafnarinnar og afar gleðilegur.  Bryggjan er þó ekki fullbúin ennþá.  Ennþá vantar steypta þekju, lagnir og fleira smálegt áður en unnt verður að vígja hana formlega.  Áhöfn Haukabergsins og Grundarfjarðarhöfn er óskað til hamingju með áfangann.

Rétt svar við spurningu vikunnar er "þögnin". 129 manns spreyttu sig á spurningunni og voru 94 eða 72,9% með rétt svar.