Samstarf við Bjarg um uppbyggingu leiguíbúða

Mynd sýnir teikningu af raðhúsi sem Bjarg reisti nýverið á Húsavík

Bæjarstjórn hefur samþykkt að hefja undirbúning uppbyggingar leiguíbúða með Bjarg og HMS

Á 315. fundi bæjarstjórnar Grundarfjarðarbæjar, þann 15. október 2026, var lagt fram minnisblað bæjarstjóra um uppbyggingu leiguíbúða í Grundarfirði í samstarfi við Bjarg íbúðafélag. 

Bæjarstjórn samþykkti samhljóða að veita bæjarstjóra heimild til að hefja samstarf við Bjarg íbúðafélag og HMS um undirbúning uppbyggingar leiguíbúða í Grundarfjarðarbæ.

Bjarg íbúðafélag hefur sótt um stofnframlag til HMS vegna fyrirhugaðrar byggingar fjögurra íbúða raðhúss í Grundarfirði.

Framhald vinnu við fjölgun leiguíbúða

Grundarfjarðarbær hefur að undanförnu unnið að því að styrkja möguleika á auknu framboði leiguhúsnæðis í sveitarfélaginu. Í ágúst samþykkti bæjarráð að veita bæjarstjóra heimild til að sækja um aðild sveitarfélagsins að Brák íbúðafélagi.