Fréttir & tilkynningar

161. fundur bæjarstjórnar Grundarfjarðar verður haldinn í Samkomuhúsinu, fimmtudaginn 13. júní nk. kl. 16:30.   Dagskrá fundarins: 

Atvinnuvega- og Nýsköpunarráðuneytið í samvinnu við Orkusetur hefur ákveðið að styrkja húseigendur sem ráðast vilja í endurbætur á einangrun húsnæðis Átaksverkefni 2013 er beint að húsnæði þar sem auka má einangrun ofan á þakplötu eða milli sperra í þaki. Styrkt verða efniskaup á steinull og skilyrði er að koma megi fyrir að lágmarki 200 mm. Um styrk getur sótt hver sá eigandi húsnæðis sem fær húshitunarkostnað sinn niðurgreiddan úr ríkissjóði. Við mat á umsóknum verður horft til orkunotkunar húsnæðis og núverandi ástands einangrunar. Forgang hafa verkefni þar sem orkunotkun er mikil í samanburði við viðmiðunargildi. Upphæð styrks miðast við 50% af efniskostnaði við steinullarkaup auk flutningskostnaðar. Umsóknareyðublöð má nálgast á heimasíðu Orkuseturs www.orkusetur.is Nánari upplýsingar fást í síma 569 6085. Einnig er hægt að hafa samband við Orkusetur á netfanginu sif@os.is Umsóknarfrestur er til 28.06.2013  

Fulltrúi sýslumanns Snæfellinga verður í Grundarfirði á skrifstofu, á lögreglustöðinni að Hrannarstíg annan hvorn fimmtudag frá kl. 10:00 - 13:30 í sumar þessa mánaðardaga: 13. júní 27. júní 11. júlí 25. júlí 1. ágúst 15. ágúst 29. ágúst  

Kvennahlaup ÍSÍ verður haldið laugardagin 8. júní kl 11:00.  Hlaupið hefst við íþróttahúsið 11:10 og vegalengdir eru frjálsar en þáttakendur mega ganga, rölta, skokka, allt eftir vilja hvers og eins.  Ef veðrið verður leiðinlegt þá fáum við að lauma okkur inn í íþróttahús og fara í skemmtilega leiki. Boli er hægt að nálgast hjá Kristínu H. inn í Gröf fyrir hlaupið og konur eru hvattar til að fjárfesta sem fyrst í þeim.  Bolir fyrir börn undir 12 ára kosta 1000 kr. en stærri stærðirnar kosta 1500 kr. Grundarfjarðarbær býður hlaupaskvísunum síðan í sund eftir hlaupið.  

Hverfastjórar hátíðarinnar Á góðri stund 2013 eru beðnir um að gefa sig fram við framkvæmdastjóra hátíðarinnar, Höddu í síma: 860-0736. 

Fjölbrautaskóli Snæfellinga auglýsir eftir framhaldsskólakennara. Námsgreinar   Stöðuhlutfall Raungreinar    100%   Laun greiðast samkvæmt stofnanasamningi skólans. Skólinn er framhaldsskóli með áfangasniði þar sem í boði eru stúdentsbrautir, almenn námsbraut og starfsbraut. Skólinn er með framhaldsskóladeild á Patreksfirði. Helstu áherslupunktar í kennsluháttum skólans eru  nýting upplýsingatækni í skólastarfi, fjölbreyttar verkefnamiðaðar kennsluaðferðir og námsmat með sérstakri áherslu á leiðsagnarmat.  

Rauði krossinn í Grundarfirði heldur 4 klst. skyndihjálparnámskeið miðvikudaginn 12. júní klukkan 18.00.Kennt verður í húsnæði Grunnskólans í Grundarfirði.Námskeiðið er ætlað öllum þeim sem vilja læra eða rifja upp grunnatriði skyndihjálpar og sálræns stuðnings og öðlast lágmarksfærni í að veita slösuðum eða veikum aðstoð í bráðatilfellum.Stutt og gott námskeið fyrir alla.Verð 3.500Leiðbeinendi á námskeiðinu verður Þórarinn Steingrímsson  

Alda Hlín Karlsdóttir hefur hefið störf sem menningar- og markaðsfulltrúi hjá Grundarfjarðarbæ.   Helstu verkefni Öldu verða: Umsjón með menningar- og listviðburðum Kynningar- og markasðmál bæjarins Vinabæjarsamskipti o.fl.   Alda er með viðskiptamenntun og hefur fjölbreytta reynslu úr ferðaþjónustu. Alda er boðin velkomin til starfa.

Íbúðalánasjóður hefur auglýst íbúð á Ölkelduvegi 9 til leigu.   Eignir eru auglýstar á  http://fasteignir.visir.is/  og http://mbl.is/leiga/ og þar er hægt að sækja um með því að senda inn umsókn á leiga@ils.is og þar á eingöngu að setja nafn eignar í subject, nafn umsækjanda, kt. og símanúmer í mailið. Eftir 6. júní er svo unnið úr umsóknum og öllum umsóknum er svarað.   Á meðan eignir eru auglýstar er ekki hægt að skoða þær nema á þeim myndum sem eru í auglýsingunni á netinu en að sjálfsögðu fær fólk að skoða eignina ef það er dregið út og hafa þá kost á að afþakka eignina ef hún hentar ekki.   Ath. sækja þarf um í síðasta lagi 6. júní.   Hér má sjá úthlutunarreglur sjóðsins : http://www.ils.is/einstaklingar/ibudir-til-leigu/uthlutunarreglur-leiguibuda/ 

Samtök sveitarfélaga á Vesturlandi standa fyrir íbúakönnun á Vesturlandi, líkt og þeir hafa gert á þriggja ára fresti frá árinu 2004. Í þessari könnun hafa íbúar verið spurðir um ýmis álitamál sem tengjast þjónustu og aðstæðum þar sem þeir búa. Niðurstöður og upplýsingar könnunarinnar hafa reynst mikilvægar varðandi hvað betur mætti fara varðandi þjónustu við íbúa. Íbúar eru hvattir til að taka þátt í könnuninni.