Fréttir & tilkynningar

Nýtt verkefni sem miðar að því að auka og efla jafnréttis- og kynjasjónarmið í skólastarfi, þ.e. í leikskólum og grunnskólum, er að hefja göngu sína. Með markvissri fræðslu og umræðu frá upphafi skólagöngu er hægt að gefa ungu fólki tækifæri til að taka ákvarðanir varðandi framtíð sína á eigin forsendum óháð staðalmyndum kynjanna og hefðbundnu starfsvali.

Nú gáfu Trukkarnir í   Það virðist vera komið nokkuð gott skrið á Trukkana, því þeir halda 1. sætinu með 9 stig skoruð. Þó er einn Liverpoolhópurinn farinn að sækja aftur í sig veðrið því Alonso er kominn í 2. sætið.

Miðvikudaginn 7. nóvember fékk Leikskólinn Sólvellir  afhentan grænfánann sem er  umhverfismerki sem nýtur virðingar víða í Evrópu sem tákn um góða umhverfismennt og umhverfisstefnu í skólum.  Fánann fá skólar í kjölfar verkefna sem er ætlað að efla vitund nemenda, kennara og annarra starfsmanna skólans um  umhverfismál. Rannveig Thoroddsen frá Landvernd kom og afhenti okkur fánann. Við það tilefni komu foreldrar og aðrir gestir til að vera viðstaddir. Nemendur úr 1. bekk komu einnig en þeir hafa unnið að þessu verkefni þegar þeir voru í leikskólanum. Rannveig afhenti elstu nemendum leikskólans fánann og fóru þau með hann út  þar sem honum var flaggað á flaggstönginni. Til að fræðast meira um grænafánann er hægt að fara inn á heimasíðu hans http://www.landvernd.is/graenfaninn/   Hér má sjá myndir

 

Aðildarfélög HSH skili árlega tilnefningu eins íþróttamanns hverrar iðkaðrar greinar viðkomandi félags, til aðalstjórnar eigi síðar en 10. nóvember.   Með tilnefningunni skal fylgja greinargerð um íþróttalegan árangur, svo sem met, ástundun við æfingar og fl.     Miðað skal við viðkomandi sé 15 ára og eldri.   Hvert fagráð velur íþróttamann sinnar greinar úr tilnefningum sem borist hafa frá aðildarfélögum.   http://www.hsh.is

Íbúð nr. 4 í Hrannarstíg 18 er laus til umsóknar.  Íbúðin er 57,5 fermetrar að stærð. Í Hrannarstíg 18 eru átta íbúðir fyrir eldri borgara og eru gerðir um þær „leigusamningar með hlutareign“.  Greiða þarf búseturéttargjald sem getur verið á bilinu 10 - 20% af kostnaðarverði íbúðarinnar framreiknuðu með Byggingavísitölu.  Leiguverð ræðst af hlutfalli hlutareignar/búseturéttargjaldi sem viðkomandi greiðir. Húsnæðið Hrannarstígur 18 er sambyggt Dvalarheimilinu Fellaskjóli og er innangengt þar á milli.   Um leigu íbúðarinnar gilda reglur Grundarfjarðarbæjar um úthlutun íbúða fyrir eldri borgara.  Reglur þessar kveða á um tekju- og eignamörk og aðrar aðstæður umsækjanda sem koma til mats við úthlutun íbúða í Hrannarstíg 18.  Um úthlutun leiguíbúða, tekju- og eignamörk og aðra þætti sem koma til mats við úthlutun íbúðanna gildir einnig reglugerð nr. 873/2001.

Eru B.P. komnir á skrið?   Það er langt síðan hópur hefur hækkað sig á milli helga um 14 sæti eins og B.P. gerði s.l. helgi, fór úr 16. sæti í annað sætið (Pálmi sennilega sett meiri kraft í olíuna).

  2. nóvember 2007 - frétt á vef Skessuhorns Rökkurdagar  í Grundarfirði voru formlega settir á Hótel Framnesi í gærkvöldi með sýningu áhugaljósmyndarans Sverris Karlssonar. Guðmundur Ingi Gunnlaugsson bæjarstjóri setti sýninguna og bauð gesti velkomna. Einnig rakti hann dagskrá Rökkurdaga sem verður mjög fjölbreytt. Myndir Sverris á sýningunni eru 15 talsins og eru teknar víða um Snæfellsnes. Sverrir hefur tekið myndir í mörg ár og hefur meðal annars myndað fyrir Skessuhorn.     Á myndinni er Sverrir ásamt Guðmundi Inga bæjarstjóra og Shelagh Smith hótelstjóra, en hún átti afmæli þennan sama dag. Í afmælisgjöf gaf Sverrir henni ljósmynd að eigin vali.

85. fundur bæjarstjórnar Grundarfjarðarbæjar verður haldinn í samkomuhúsinu fimmtudaginn 8. nóvember 2007, kl. 16.15 og er öllum opinn.  Sjá dagskrá og fundarboð með því að smella hér. 

Almennt hefur tekist vel til í starfsemi Fjölbrautaskóla Snæfellinga (FSN) og að fjöldi nemenda hafi orðið nokkru meiri en áætlanir gerðu ráð fyrir sem bendi til þess að skólinn hafi skapað sér tiltrú og uppfyllt þær væntingar sem til hans voru gerðar. Þetta kemur fram í úttekt sem gerð hefur verið á starfsemi skólans. Nýlega er lokið úttekt sem menntamálaráðuneyti lét gera á Fjölbrautaskóla Snæfellinga (FSN). Úttektin var unnin af Trausta Þorsteinssyni frá skólaþróunar-sviði Háskólans á Akureyri og Ásrúnu Matthíasdóttur frá kennslufræði- og lýðheilsudeild Háskólans í Reykjavík. Miðaðist úttektin við fyrstu þrjú árin í starfsemi skólans en hann tók tók til starfa haustið 2004. Frétt á vef Mbl.is