Fréttir & tilkynningar

Minnum á  að aðalfundur UMFG verður haldin fimmtudagskvöldið  21. febrúar kl. 20.00 á  Hótel Framnesi.  Hefðbundin aðalfundarstörf á dagskrá og veitingar í boði.  Með kveðju stjórnin.

Annar flokkur karla spilaði í úrslitum innanhúss móts KSÍ í Austurbergi í Breiðholti.  Efti röð Þorsteinn, Brynjar Gauti, Heimir Þór, Ejub neðri röð Brynjar, Ingi Björn, Ingólfur og Dominik                                                 Það þarf ekki að fara um það mörgum orðum að okkar menn völtuðu yfir þessa keppni.  Þeir spiluðu í riðli með Val og Víkingi R.   Sigruðu Val 3-1 og fengu þar á sig eina markið í keppninni.  Unnu Víkinga 2-0 og fengu Fylki sem andstæðinga í undanúrslitum og unnu þá sömuleiðis 2-0.   Valsmenn unnu hinn undanúrslitaleikinn sem sýnir hversu sterkur riðill strákanna var.  Eitthvað hafa Valsmenn átt erfiðari undanúrslitaleik því að okkar menn skelltu þeim í úrslitaleiknum 5-0.   Fyrsti Íslandsmeistaratitill ársins því kominn á Snæfellsnes og tónninn gefinn fyrir  sumarið

Fellur niður á miðvikudaginn 20 febrúar. Áður auglýst spilakvöld verður í samkomuhúsinu á fimmtudaginn 21 febrúar. 

Á fundi bæjarstjórnar Grundarfjarðarbæjar í gær var samþykkt að lækka álagningarprósentu fasteignaskatts á íbúðarhúsnæði.  Í haust var samþykkt að álagningarprósenta fasteignaskatts á íbúðarhúsnæði yrði 0,36% á árinu 2008.  Í ljósi óvæntrar hækkunar á fasteignamati íbúðarhúsnæðis, sem varð 12% samkvæmt ákvörðun Yfirfasteignamatsnefndar, var samþykkt í gær að færa álagningarprósentuna niður í 0,34% á ný eða í sama horf og var á síðasta ári.  Einnig var samþykkt að álagningarprósenta lóðarleigu myndi lækka í 0.7% en var 0,8% og álagningarprósenta holræsagjalds verður 0,17% en var 0,18%.  Þetta er gert til þess að koma til móts við eigendur íbúðarhúsnæðis og létta gjaldabyrði einstaklinga vegna hækkandi fasteignamats.  Fyrsti gjalddagi fasteignagjaldanna á þessu ári verður 1. mars n.k.  Gjalddagarnir verða átta með eins mánaðar millibili.  Þeir sem fá álögð gjöld að upphæð 15.000 eða minna greiða þó í einu lagi á gjalddaga 1. júlí n.k.

Fulltrúar Grundapol, vinafélags Grundarfjarðar, frá Paimpol í Frakklandi eru í heimsókn.  Miðvikudaginn 20. febrúar kl. 20.00 ætlum við að vera í Sögumiðstöðinni og gera þeim glaða kvöldstund og efla tengsl vinabæjanna. Allir velkomnir.

      miðvikudaginn 13. febrúar var þorrablót leikskólans Sólvalla haldið. Þá buðu leikskólanemendur upp á skemmtun í samkomuhúsinu. Elstu nemendurnir léku öskubusku, árgangar 2003 og 2005 sungu og voru búin að útbúa leikmuni og hljóðfæri af því tilefni. Árgangur 2004 var með vellukkaða tískusýningu. 1. bekkur kom í heimsókn og sungu þau tvö lög. Að skemmtun lokinni var boðið upp á þorramat í leikskólanum. Tókst þorrablótið mjög vel.  Hér má sjá fleiri myndir frá þorrablótinu.

Landshlutakeppni Samfés í söng verður haldin í Klifi Snæfellsbæ í kvöld klukkan 18.00. Frá okkur í Eden fara 9 söngdívur með eitt atriði og eru þær búnar að æfa mjög stíft undanfarið. Það kostar 500 kr. inn. Allir velkomnir sem áhuga hafa. Rúta verður fyrir unglingana og fer kl. 17.30 frá sjoppunni. Munið leyfisbréfin og pening. Sjoppa verður á staðnum. Nemið í Eden

Nú styttist í kvikmyndahátíðina Northern Waves sem haldin verður í FSN og víðar í Grundarfirði en dagskáin hefst kl. 17 á nk. föstudag. Aðstandandi hátíðarinnar hafur lagt á sig mikla vinnu og er dagskráin glæsileg en fyrir utan sjálfar bíómyndirnar verða

89. fundur bæjarstjórnar Grundarfjarðarbæjar verður haldinn mánudaginn 18. febrúar kl. 16.15 í samkomuhúsinu. Hér má sjá dagskrá fundarins.

Miðvikudaginn 5. febrúar var slysavarnardeildin Snæbjörg endurvakin. Fram kom á fundinum að síðasti formlegi fundur hafi verið árið 1992 og að samkvæmt félagatali Landsbjargar þá eru 82 félagar skráðir í deildina. Ákveðið var að halda aðalfund miðvikudaginn 5.mars og undirbúningsfund í kvöld 18. febrúar kl 20:30 Björgunarsveitarhúsinu. Fyrsta verk deildarinnar eftir endurvakninguna var að gefa leik-og grunnskólanemum endurskinsmerki. Var þeim vel tekið enda ekki alltaf hægt að velja sér endurskinsmerki með hauskúpum, kórónum, bílum eða draugum.   Við viljum hvetja sem flesta til að mæta á fundinn í kvöld. Ef einhver er með gögn frá fyrri starfsárum deildarinnar er alveg kjörið að mæta með þau á fundinn í kvöld.