Fréttir & tilkynningar

Endurvinnslutunnurnar koma til dreifingar í næstu viku. Ef einhverjar spurningar vakna þá tekur Ingibjörg (Bibba) við fyrirspurnum í síma 840 5728.

Leikhópurinn Lotta sýnir glænýtt íslenskt leikrit um Mjallhvíti og dvergana sjö í Þríhyrningnum, laugardaginn 11. júní nk kl. 13:00. Þetta er fimmta sumarið sem Leikhópurinn Lotta setur upp útisýningu en síðastliðin sumur hefur hópurinn tekist á við Hans klaufa, Rauðhettu, Galdrakarlinn í Oz og Dýrin í Hálsaskógi. Leikgerðina um Mjallhvíti og dvergana sjö gerði Anna Bergljót Thorarensen. Þetta er fyrsta leikritið sem hún skrifar en hún hefur verið meðlimur í Leikhópnum Lottu frá stofnun hans árið 2006. Ný tónlist hefur einnig verið samin fyrir verkið en auk Önnu koma þar að verki Rósa Ásgeirsdóttir, Oddur Bjarni Þorkelsson og Baldur, Helga og Snæbjörn Ragnarsbörn.

  Í gær hófst ævintýranámskeið með stæl. Glæsileg dagskrá er í boði næstu tvo mánuðina og að gefnu tilefni er ítrekað að skráning er enn opin.  

Haldið verður í hina árlega Sigríðargöngu þriðjudaginn 14. júní kl. 18:00. Að vanda verður lagt af stað frá Hallbjarnareyri og gengið á Eyrarfjall í Framsveit við Grundarfjörð. Gangan upp tekur um einn og hálfan tíma ef rólega er gengið. Siðan er hlaupið niður fjallið og er skemmsti tími 49 sekúndur, en oftast er miðað við 3 mínútur en það setur engin met í fyrstu tilraun. Allir velkomnir.   Sigga Dís

Sumrin eru frábær tími til að nýta til að vera úti við og hafa gaman með vinum en sumarið er einnig frábært að nýta í að vera úti í sólinni og hreyfa sig.  9. júní næstkomandi fer ég af stað með fitness námskeið fyrir krakka og unglinga á aldrinum 12-18 ára. Námskeiðið verða haldin úti við, inni í íþróttahúsi í slæmu veðri og í sundlaug Grundarfjarðar.

  Frá 1. júní fram yfir miðjan ágúst verður aðeins opið á fimmtudögum kl. 13-18 (þó ekki 2. júní). Hægt er að skila bókum á bæjarskrifstofuna milli kl. 10 og 14. 

  Sjaldséðir hvítir hrafnar segir máltækið. Líklega verða svartir svanir einnig að teljast sjaldséðir en þessa dagana er einn slíkur í heimsókn í Grundarfirði. Tómas Freyr Kristjánsson tók þessa skemmtilegu mynd og nokkrar til.

Þessar duglegu Grundarfjarðarhnátur komu við á bæjarskrifstofunni í gær. Þær heita Brynja Gná, Karen Lind, Elva Björk, Svanhildur Ylfa og María Margrét. Tilefnið var að afhenda fé sem þær höfðu safnað til kaupa á vatnsrennibraut í sundlaug bæjarins. Þær söfnuðu 6.429 kr og bætist það í sjóðinn. Þessi sjóður var stofnaður árið 1997 og margir kraftmiklir krakkar gefið í hann í gegnum tíðina. Í dag eru rúmlega 96.000 kr. í sjóðnum. Við þökkum þeim fyrir gott framtak.

Sjómannadagshelgin er að renna upp og verður margt  gert til skemmtunnar þessa helgi, golfmót, sprell fyrir krakkana, grill í boði Samkaupa, keppni á bryggjunni á milli áhafna, þyrla Landhelgisgæslunnar mætir o.fl. o.fl. Hér má sjá dagskrána.