Fréttir & tilkynningar

    Frárennslislagnir við Sæból hafa nú verið hreinsaðar, fræstar og fóðraðar en því verki lauk í gær. Starfsmenn fyrirtækisins Hreinsitækni ehf. komu hingað til Grundarfjarðar síðastliðinn vetur til að skoða lagnirnar og kom þá í ljós töluvert slit.  

Leikskólinn Sólvellir er þriggja deilda leikskóli með um 55 nemendur á aldrinum 1-5 ára. Skólinn starfar eftir viðurkenndum hugmyndum og kenningum í uppeldis­fræði.  

Útskriftarhátíð Fjölbrautaskóla Snæfellinga verður haldin miðvikudaginn 24. maí í hátíðarsal skólans í Grundarfirði.  Hátíðin hefst kl.15:00 og að henni lokinni verða kaffiveitingar í boði skólans.     Allir velunnarar skólans eru velkomnir.   Skólameistari      

205. fundur bæjarstjórnar Grundarfjarðar verður haldinn fimmtudaginn 4. maí 2017, í Ráðhúsi Grundarfjarðar, kl. 16:30 .   Dagskrá:  

Þriðjudaginn 25. apríl var eitt ár liðið frá því að 5. ára deild Grunnskóla Grundarfjarðar tók til starfa. Af því tilefni verður opið hús á Eldhömrum föstudaginn 28. apríl milli kl. 15:00 - 16:00.   Allir hjartanlega velkomnir.     

Árlega hjólasöfnun Barnaheilla - Save the Children á íslandi er hafin. Sjá auglýsingu hér.    https://www.facebook.com/hjolasofnunBarnaheilla    

Grundarfjarðarbær auglýsir starf aðalbókara laust til umsóknar. Aðalbókari hefur umsjón með bókhaldi Grundarfjarðarbæjar, stofnana og fyrirtækja sveitarfélagsins. Hann annast bókun fylgiskjala, afstemmingar og aðra úrvinnslu úr fjárhagsbókhaldi, sér um reikningagerð, skýrslugerð og greiningarvinnu úr bókhaldi auk þess að annast uppgjör og áætlanagerð í samvinnu við yfirmann og endurskoðendur  

    Áætlað er nú að opna Sundlaug Grundarfjarðar næstkomandi þriðjudag, 2. maí kl 07:00. Opnunartímar fram að sumaropnun verða eftirfarandi: Mánudagar - miðvikudagar kl 7-8:30 og 16-19 Fimmtudagar - föstudagar kl 7-8 og 16-19 Laugardagar - sunnudagar kl 13-16   Þann 19. maí hefst svo sumaropnun og verður þá opið alla virka daga kl 7-21 og um helgar kl 10-18.   Sjáumst hress í lauginni :)

Ársreikningar Grundarfjarðarbæjar A- og B- hluta sjóða fyrir árið 2016 voru lagðir fram á fundi bæjarstjórnar 6. apríl  2017.   Heildartekjur samstæðunnar allrar voru 965 m. kr., en heildarútgjöld hennar þegar tekið hefur verið tillit til afskrifta að fjárhæð 47,2 m. kr. voru 870,1 m. kr.    

    Undanfarnar vikur hafa staðið yfir breytingar og endurbætur á sundlaug bæjarins. Komnir eru tveir nýir pottar og verða góðar tröppur með handriði settar við þá til að auðvelda aðgengi að pottunum. Einnig er verið að breyta stiganum ofan í sundlaugina og verður hann meira aflíðandi ofan í laugina sem gerir aðgengi í hana auðveldari. Þá er verið að mála búningsklefana, endurnýja grindverkið í kringum sundlaugargarðinn og að lokum verður restin af grasinu í garðinum fjarlægð og gervigras sett í staðinn.