Fréttir & tilkynningar

    Nánari upplýsingar og skráning á kynningarfundinn er á vef Ferðamálastofu.  

    Næstkomandi laugardag, 17. september verður réttað í fyrsta sinn í nýrri rétt í Kolgrafafirði. Réttin er í landi Hrafnkelsstaða og nefnist Hrafnkelsstaðarétt. Vígsluathöfn hefst klukkan 16 og í beinu framhaldi af vígslunni hefjast réttirnar. Hrafnkelsstaðarétt var smíðuð af sjálboðaliðum úr Búnaðarfélagi Eyrarsveitar og starfsmönnum Grundarfjarðarbæjar. Smíðin gekk hratt og vel fyrir sig enda harðduglegt fólk þarna á ferð.  

    Blóðbankabíllinn stóð við Samkaup-Úrval í Grundarfirði síðastliðinn þriðjudag við blóðsöfnun. Starfsfólk bílsins sagðist afar ánægt með Grundfirðinga þegar kemur að blóðgjöf og sagði þá duglega að mæta. Sérstaklega sagði starfsfólk áberandi hvað konur á svæðinu væru öflugir blóðgjafar en þær eru í meirihluta blóðgjafa hér í Grundarfirði. Starfsfólk Blóðbankans vildi gjarnan koma á framfæri þakklæti til bæjarbúa fyrir góða þátttöku í blóðgjöf nú sem áður.  

    Við minnum á ljósmyndasamkeppni Grundarfjarðar sem er undir formerkjunum líf og leikur árið 2016. Vegleg verðlaun eru í boði fyrir efstu þrjús ætin í keppninni; 50.000 kr fyrir fyrstu verðlaun, 30.000 kr fyrir önnur verðlaun og 20.000 kr fyrir þau þriðju.  

Leikskólinn Sólvellir Grundarfirði, óskar eftir að ráða leikskólakennara Í 100% starf.   Einnig er óskað eftir starfsmanni í þrif.   Upplýsingar gefa leikskólastjórar í síma 438- 6645.    

  Bókasafnsdagurinn í Grundarfirði. Vefsíða bókasafndagsins okkar með samantekt á bestu „hinu og þessu“. Lestrarbæklingar fyrir foreldra. Hressing í Bæringsstofu kl. 13-17.Athugið. Við þiggjum bókagjafir í flökkubókahilluna (gefins-skipti)Sjáumst, Sunna.   Hljóðbókasafnið býður upp á YouTube myndband um aðgang að hljóðbókum.    

Til nemenda FSN og forráðamanna þeirra!   Félags- og skólaþjónusta Snæfellinga mun í samstarfi við Fjölbrautarskóla Snæfellinga í Grundarfirði bjóða nemendum skólans, sem þess óska, upp á viðtöl við sálfræðing stofnunarinnar, Emil Einarsson, á heilsugæslustöðinni í Grundarfirði veturinn 2016.    

    Þorsteinn Birgisson hefur verið ráðinn í starf skipulags- og byggingafulltrúa hjá Grundarfjarðarbæ, en þrír sóttu um starfið. Hann hefur langa reynslu af störfum hjá hinu opinbera og starfaði um árabil sem deildarstjóri hjá Orkuveitu Reykjavíkur.   Þorsteinn var deildarstjóri á framkvæmdasviði Reykjavíkurborgar 2007-2015 og sá um byggingareftirlit hjá Mosfellsbæ árið 2015. Hann hefur góða reynslu af tilboðsgerð, verkeftirliti og verkstýringum, auk gerðar námsgagna og kennslu á því sviði.   Þorsteinn er með BS gráðu í tæknifræði og sveinspróf í húsasmíði, auk löggildingar í hönnun og byggingastjórnun.   Þorsteinn mun hefja störf í byrjun september nk. Um leið og hann er boðinn velkominn til starfa hjá Grundarfjarðarbæ er Gunnari S. Ragnarssyni þökkuð góð störf.  

      Námskeiðið hentar öllum og verður sniðið að þörfum og getu þátttakenda. Líkamlegur styrkur er ekki höfuðatriði á þessu námskeiði heldur forvitni og áhugi. Námskeiðið hefst á Arnarstapa kl.10. laugardaginn 3. september, með stuttum fræðilegum inngangi í Samkomuhúsinu. Þátttakendur finna sér hentugan stein í Stapagili og hefjast handa við steinhöggið með hamri og meitli undir handleiðslu Gerhards König myndhöggvara. Öll verkfæri verða á staðnum. Unnið verður til kl.16 með matar og kaffipásum. Sunnudaginn 4. september verður byrjað kl.10 og endað á fyrirlestri í Samkomuhúsinu kl.14 Aðal viðfangsefnið verður steinhögg en auk þess fá þátttakendur að vinna með rekavið og annan efnivið.   Námskeiðið er haldið í samvinnu Svæðisgarðsins Snæfellsness og Símenntunarmiðstöðvar Vesturlands með styrk frá Uppbyggingasjóði Vesturlands.   Verð: 15.000 kr   Skráning í sími: 433- 6923 eða brynja@simenntun.is