Fréttir & tilkynningar

      Námskeiðið hentar öllum og verður sniðið að þörfum og getu þátttakenda. Líkamlegur styrkur er ekki höfuðatriði á þessu námskeiði heldur forvitni og áhugi. Námskeiðið hefst á Arnarstapa kl.10. laugardaginn 3. september, með stuttum fræðilegum inngangi í Samkomuhúsinu. Þátttakendur finna sér hentugan stein í Stapagili og hefjast handa við steinhöggið með hamri og meitli undir handleiðslu Gerhards König myndhöggvara. Öll verkfæri verða á staðnum. Unnið verður til kl.16 með matar og kaffipásum. Sunnudaginn 4. september verður byrjað kl.10 og endað á fyrirlestri í Samkomuhúsinu kl.14 Aðal viðfangsefnið verður steinhögg en auk þess fá þátttakendur að vinna með rekavið og annan efnivið.   Námskeiðið er haldið í samvinnu Svæðisgarðsins Snæfellsness og Símenntunarmiðstöðvar Vesturlands með styrk frá Uppbyggingasjóði Vesturlands.   Verð: 15.000 kr   Skráning í sími: 433- 6923 eða brynja@simenntun.is

    Ágætu Raforkunotendur. Rafmagnslaust verður á sunnanverðu Snæfellsnesi aðfararnótt föstudagsins 26. ágúst kl 01:00-06:00 vegna vinnu Landsnets á 66 kV flutningskerfi sínu. Ekki er gert ráð fyrir að það komi til straumleysis á norðanverðu Snæfellsnesi vegna þessa, þar sem varavélar verða keyrðar eftir því sem við verður komið og dreifilínur samtengdar. Notendur á svæðinu geta þó orðið fyrir einhverjum truflunum á raforkuafhendingu.   Hafið ekki viðkvæm raftæki í notkun þegar rafmagn fer af og hugið að endurstillingu allra tímastilltra raftækja.   Rarik biðst velvirðingar á óþægindum sem af þessu stafa. Bilanasími 528 9390   RARIK Vesturlandi

    Í dag eru 230 ár frá því Danakonungur gaf út tilskipun um að Grundarfirði, ásamt fimm öðrum verslunarstöðum á Íslandi, yrðu veitt kaupstaðarréttindi.   Það var 18. ágúst árið 1786 sem kaupstaðarréttindi voru veitt Ísafirði, Akureyri, Eskifirði, Vestmannaeyjum, Reykjavík og Grundarfirði sem var þá gerður að höfuðstað Vesturamtsins.  

Grundarfjarðarbær auglýsir eftir baðvörðum í Íþróttahús Grundarfjarðar til að sinna baðvörslu og þrifum. Óskað er eftir báðum kynjum.  

  Sjá nánar hér.  

  Sumarnámskeið fyrir börn fædd 2004-2010 verða haldin fyrstu tvær vikurnar í ágúst. Skráningareyðublöð má nálgast hér eða á skrifstofu Grundarfjarðarbæjar. Vinsamlegast skráið börnin á námskeiðin í síðasta lagi á föstudeginum fyrir hvort námskeið.  

    Eyrbyggjar, hollvinasamtök Grundarfjarðar, veittu skíðadeild UMFG í Grundarfirði framfaraverðlaun Eyrbyggja á bæjarhátíðinni um síðustu helgi. Viðurkenninguna hlaut skíðadeildin fyrir mikið og gott uppbyggingarstarf á skíðasvæði Snæfellinga í Grundarfirði með aðstoð heimamanna. Það voru Rósa Guðmundsdóttir, formaður skíðadeildar, sem tók við viðurkenningunni úr höndum Höllu Halldórsdóttur, formanni Eyrbyggja.    

  Þorsteinn Steinsson bæjarstjóri veitti viðurkenningar fyrir fyrirmyndargarða ársins 2016   Skipulags- og byggingarnefnd Grundarfjarðarbæjar ákvað að veita viðurkenningar fyrir fyrirmyndargarða í bænum árið 2016. Það voru hjónin Jón Snorrason og Selma Friðfinnsdóttir sem hlutu viðurkenninguna í flokki heimila en í flokki fyrirtækja var það Bjargarsteinn Mathús sem hlaut viðurkenningu.   

    Bæjarhátíðin Á góðri stund fór einstaklega vel fram um nýliðna helgi og var mikið líf og fjör í bænum þessa daga. Heilmikil og skemmtileg dagskrá fyrir alla aldurshópa var í boði alla helgina auk þess sem hverfin í bænum kepptu sín á milli í hinum ýmsu greinum, svo sem körfubolta, pílukasti, kubbi og auðvitað skreytingum ásamt fleiru.  

     Leikskólinn Sólvellir, Grundarfirði, auglýsir eftir deildarstjórum og sérkennslustjóra. Leikskólinn er fjögurra deilda leikskóli með nemendur á aldrinum eins til fimm ára. Skólaárið 2016-2017 verður fjöldi nemenda á bilinu 50 -55.