Fréttir & tilkynningar

Í Grundarfirði er sorp flokkað í þrjár tunnur í þeim tilgangi að minnka sorp sem fer í kostnaðarsama urðun. Almennt hefur flokkun gengið vel og fer að jafnaði un 20% af sorpi til endurvinnslu, 25% er lífrænn úrgangur til moltugerðar og um 55% fer til urðunar.   Þessi árangur er ágætur en mikilvægt er að gera enn betur. Áríðandi er að sem flestir taki þátt í flokkun því mikill og vaxandi kostnaður er af urðun sorps.   Til upprifjunar er bent á að gráa tunnan er ætluð fyrir óendurvinnanlegan úrgang. Græna tunnan er fyrir endurvinnanleg efni, s.s. pappír, plast, minni málmhluti og fernur. Brúna tunnan er eingöngu undir lífrænan úrgang sem settur er í lífræna maíspoka. Lífræni úrgangurinn er nýttur til jarðgerðar. Afurðin er molta sem má nota sem áburð fyrir skógrækt eða garða. Minnt er á að eingöngu má nota lífræna maíspoka í brúnu tunnuna því plastpokar gera moltuna ónothæfa í garða.   Á heimasíðu Grundarfjarðarbæjar eru ýtarlegar uppplýsingar um flokkun sorps, einnig á ensku og pólsku. Íbúar eru hvattir til að kynna sér hvernig á flokka sorpið.   Upplýsingar um sorphirðu   Björn Steinar Pálmasonbæjarstjóri

Nýtt ár hefur hafið göngu sína með nýjum áskorunum. Á sviði sveitarstjórnarmála í Grundarfirði eru nokkur mikilvæg verkefni framundan. Þar má helst nefna að undnafarin misseri hafa staðið yfir viðræður við Orkuveitu Reykjavíkur um samning um hitaveituvæðingu Grundarfjarðar sem gerður var við OR 2005. Eins og kunnugt er hefur OR hætt frekari leit að vatni en mikilvægt er að fá úr því skorið hvort leita eigi frekar að heitu vatni eða leita annarra leiða til húshitunar.  

Viðfangsefni: ·       Félagslega heimaþjónusta ·       Liðveisla fatlaðs fólks   Umsóknir er tilgreini menntun, fyrri störf ásamt sakavottorði umsækjanda berist til skrifstofu FSS, Klettsbúð 4, 360  Snæfellsbæ eða á netfangið:  helga@fssf.is.   Umsóknarfrestur er til og með 24. janúar   Forstöðumaður     

156. fundur bæjarstjórnar Grundarfjarðar verður haldinn í samkomuhúsinu fimmtudaginn 10. janúar 2013, kl. 16:30.   Dagskrá: 

Starfsmaður áhaldahúss mun sjá um að hirða jólatré eftir kl. 16 mánudaginn 7. janúar. Jólatrjám þarf að vera komið fyrir við lóðarmörk.   Hirðing mun einnig eiga sér stað síðar í vikunni. Ennfremur er bent á gám fyrir utan gámastöð sem er aðgengilegur allan sólarhringinn.    

Við  byrjum á að hittast kl. 16:30 við netaverkstæði G.Run. Opið verður í flugeldasölu klakks frá 15:00-17:30.   Klukkan 17:30 göngum við fylktu liði frá netaverkstæðinu að bílastæði við grunnskólann, þar taka á móti okkur ýmsar kynjaverur. Syngjum og dönsum saman. Heitt kakó, flugeldar og skemmtum. Fólk er hvatt til að koma með blys eða kyndla, vera í búningum við hæfi, virkja dans-og söngvöðva, skemmtum okkur saman.  

  Kristbjörg Ásta Viðarsdóttir fékk 2. verðlaun í Stóru upplestrarkeppninni í 7 bekk veturinn 2011-2012. Keppnin fór fram í Ólafsvíkurkirkju í mars 2012. Hún kom á bókasafnið í sumar og færði bókasafninu að gjöf inneignarkort frá Eymundsson sem henni var fært sem viðurkenningu fyrir góðan upplestur.   Fyrir hönd Bókasafns Grundarfjarðar þakka ég góða gjöf og vona að þessar bækur komi okkur öllum að góðum notum.     Sunna. Bækurnar sem keyptar voru eru Hárið eftir Theodóru Mjöll og Frábært hár eftir Írisi Sveinsdóttur, Förðunarhandbókin útg. 2012 og Stelpur geta allt eftir Kristínu Tómasdóttur.     

Síðustu tvö ár hefur bæjarstjórn boðið grundfirskum nemendum sem stunda nám á háskólastigi eða verknám utan Grundarfjarðar, á óformlegan spjallfund í jólafríinu. Fundurinn í ár verður haldinn í Samkomuhúsinu fimmtudaginn 27. desember, kl. 16.30.Tilgangur fundarins er að koma á samræðu milli nemenda og bæjarfulltrúa, heyra af því sem nemendur eru að fást við, ræða tækifæri og leyfa hugmyndum að kvikna. Að þessu sinni verður samræða í litlum hópum, nemar og bæjarfulltrúar í bland og síðan rætt sameiginlega um það sem kemur frá hópunum. Vonast er eftur að sjá sem flesta!   

Yfir jól og áramót verður opnunartími bæjarskrifstofunnar sem hér segir:   24. desember - lokað 27. desember - opið kl. 10-14 28. desember - opið kl. 10-14 31. desember - lokað 2. janúar - lokað  

Útskriftarhátíð Fjölbrautaskóla Snæfellinga verður haldin föstudaginn 21. desember í hátíðarsal skólans í Grundarfirði. Hátíðin hefst kl. 15.00 og að henni lokinni verða kaffiveitingar í boði skólans. Allir velunnarar skólans eru velkomnir.   Skólameistari.