Fréttir & tilkynningar

Leikklúbbur Grundarfjarðar stendur fyrir leiklistarnámskeiðum sem hefjast í þessari viku. Öllum er frjálst að taka þátt.   Leiklistarnámskeið fyrir 1.-7. bekk, 5.-14. sept frá kl 17-19 3x í viku. Lýkur með sýningu. Skráning og nánari upplýsingar á leikklubbur@gmail.com. Kári Viðarsson sér um námskeiðið en námskeiðið er á vegum Leikklúbbs Grundarfjarðar. Við hvetjum alla til að skrá sig. 3.000 kr. á barn 50% systkinaafsláttur.   Leiklistarnámskeið fyrir fullorðna. 31. águst til 8. september 3x í viku frá kl 20-22.30. Útfrá námskeiði eru 6 leikarar valdir í uppsetningu á Sköllóttu söngkonunni sem frumsýnd verður í okt. Verð 3.000 kr. 50% afsláttur fyrir hjón (annað borgar 1.500 kr.). Skráning og nánari upplýsingar á leikklubbur@gmail.com. Kari Vidarsson sér um námskeiðið en námskeiðið er á vegum Leikklúbbs Grundarfjarðar.   Kveðja Stjórnin

Á fundi bæjarráðs 26. ágúst 2011 var samþykkt meðfylgjandi umsögn um frumvarp til laga um stjórn fiskveiða:      

Á miðvikudaginn hefjast leiklistarnámskeið hér í Grundarfirði. Um er að ræða tvö námskeið, eitt fyrir börn og annað fyrir fullorðna.   Frekari upplýsingar er að finna á fésbókinni undir Leikklúbbur Grundarfjarðar og einnig má senda fyrirspurnir á póstfangið leikklubbur@gmail.com.   Stjórn Leikklúbbs Grundarfjarðar 

Undirbúningsvinna fyrir Rökkurdaga er hafin, en þeir verða haldnir síðustu vikuna í október. Þeir sem eru með skemmtilegar hugmyndir eða ábendingar eru beðnir um að koma þeim til formanns menningar- og tómstundanefndar hið snarasta(Obba: torbjorg@grundarfjordur.is / 847-1739).   Menningar- og tómstundanefnd.  

UMFG auglýsir eftir fótboltaþjálfara til að þjálfa 6-2 flokk karla og kvenna veturinn 2011-2012. Viðkomandi þarf að geta hafið störf 5 september. Nánari upplýsingar og umsóknir berast til Tómasar á póstfangið tomasfreyr@gmail.com fyrir 26.águst. Stjórn UMFG  

Sund eldri borgara hefur verið vinsælt undafarin ár. Sumarið í ár er engin undantekning. Hér má sjá myndir sem teknar voru í sumar.  

Samningar hafa tekist í kjaradeilu Sambands íslenskra sveitarfélaga og Félags leikskólakennara. Verkfalli sem hefjast átti á mánudag hefur verið aflýst.   Starfsemi leikskólans verður því með hefðbundnum hætti. 

Nú hefst nýr skólavetur hjá okkur í heilsdagsskólanum og myndum við þiggja leikföng og dót ýmis konar til að gera dagana þar skemmtilegri og fjölbreytilegri. Ef einhver er að taka til í geymslunni eða í barnaherberginu þá þætti okkur vænt um að þið hugsuðuð til okkar. Okkar vantar t.d. eldhúseiningu og áhöld svo eitthvað sé nefnt. Vinsamlegast hafið samband við ritara (Herdísi) í síma 430-8550 eða komið bara við í heimsókn upp í skóla.  

Komi til verkfalls leikskólakennara mánudaginn 22. ágúst verður að takmarka starfsemi leikskólans sem hér segir:   Eldri deildin (Framsveit) verður lokuð. Yngri deild (Útsveit) verður opin allan daginn, kl. 8-16, með þeim takmörkunum að fjögur börn á deildinni verða að vera heima dag hvern. Leikskólastjóri mun deila því jafnt á börnin og verður í sambandi við foreldra um nánari útfærslu. Þessi opnunartími gildir þar til annað verður ákveðið.   Ekki verður unnt að færa börn af eldri deild yfir á yngri deild.   Ágreiningur er á milli Sambands íslenskra sveitarfélaga og Félags leikskólakennara um framkvæmd hugsanlegs verkfalls. Þar til sá ágreiningur er útkljáður, ef til verkfalls kemur, verður þjónusta leikskólans takmörkuð með þeim hætti sem hér er lýst.   Mikilvægt er að foreldrar og forráðamenn barna í leikskólanum fylgist með fréttum og upplýsingum um starfsemi leikskólans sem verða settar hér á heimasíðu bæjarins.   Bæjarstjóri