Fréttir & tilkynningar

  Við minnum á ljósmyndasamkeppnina sem er í gangi. Vegleg verðlaun eru í boði fyrir bestu myndirnar. Samkeppnin hófst  2. maí og stendur til 31. ágúst og verða myndirnar að vera teknar á því tímabili og innan sveitarfélagsmarka. Hver þátttakandi má senda inn tíu myndir. Afraksturinn verður svo til sýnis á veglegri sýningu á næstu Rökkurdögum. Þemað í samkeppninni er sumar.   Nánari upplýsingar veitir markaðsfulltrúi Grundarfjarðarbæjar (899-1930 / jonas@grundarfjordur.is).  

Stuðningsfulltrúi við starfsbraut FSN í Grundarfirði, 100% staða í 5 mánuði.   Starfsmaður í ræstingar í Grundarfirði, 40% staða í rúma 8 mánuði.  

Síðastliðinn fimmtudag mætti Grundarfjörður liði Afríku á Leiknisvelli í Breiðholtinu. Grundarfjörður sem var fyrir þennan leik í öðru sæti C-riðils með 25 stig á meðan Afríka var á hinum endanum með aðeins eitt stig.  

Heitu pottarnir í sundlauginni verða ekki í notkun, vegna bilunar, fram yfir helgi. Sundlaugin verður eftir sem áður opin. 

Þar sem framkvæmdir eru hafnar við stækkun viðlegu í Suðurhöfn Grundarfirði (smábátahöfn) eru smábátasjómenn beðnir um að fara gætilega við komu og brottför í innrihöfn.  

Í dag 26. júlí 2011 hefur verið gengið frá sölu á 66% hlut í útgerðarfélaginu Farsæli hf. til Fisk Seafood, sem eftir þessi viðskipti hefur eignast allt hlutafé í félaginu.   Farsæll hf. hefur rekið útgerð í Grundarfriði frá því 1936 eða í 75 ár en vegna lítilla aflaheimilda hafa rekstrarskilyrði verið erfið síðustu ár og sýnilegt að þörf var á breytingum til þess að efla starfsemi félagsins.  

Þórir Bergmundsson háls, - nef og eyrnalæknir verður með móttöku á Heilsugæslunni Grundarfirði Miðvikudaginn 10. ágúst n.k. Tekið er á móti tímapöntunum á Heilsugæslustöð Grundarfjarðar í síma 432-1350  

Bæjarhátíð okkar Grundfirðinga, Á góðri stund, sem haldin var um helgina,tókst einstaklega vel. Skipuleggjendum, styrktaraðilum, bæjarbúum og öllum öðrum þátttakendum er þakkað fyrir þeirra framlag til að gera hátíðina eins glæsilega og raunin varð.   Bæjarstjóri

Unanfarnar vikur hafa bæjarbúar víða tekið til hendinni og snyrt sitt nánasta umhverfi. Þar sem trjágróður hefur vaxtið út fyrir lóðarmörk, yfir gangstéttir og stíga, eru lóðarhafar vinsamlegast beðnir um að klippa gróður svo ekki skapist hætta fyrir gangandi vegfarendur.

Mánudaginn 25. júlí verður einnar mínútu þögn í Noregi, til minningar um fórnarlömb harmleiksins í Noregi síðastliðinn föstudag. Ísland mun sýna norsku þjóðinni samstöðu með því að hafa einnar mínútu þögn á sama tíma sem er kl. 10:00 í dag að íslenskum tíma. Forsætisráðherrra hvetur alla Íslendinga til að sýna samhug sinn með þeim hætti.   Reykjavík 24. júlí 2011   FORSÆTISRÁÐUNEYTIÐ