Fréttir & tilkynningar

Virka daga í Dymbilvikunni verður opið á bókasafninu eins og venjulega, kl. 15-18. Munið samverustund  fjölskyldunnar kl. 16:30-18:00 á miðvikudegi og fjarnemar í heimabyggð eiga frátekna stund eftir kl. 16:30 á þriðjudögum.    

      Hið árlega skírdagsmót í blaki verður fimmtudaginn 9. apríl nk. kl. 11:00. Einstaklingsmót, skráning er hjá Önnu Maríu s: 869-6076 Þátttökugjad kr. 1.000 fyrir einstakling

Skátafundir falla niður á meðan börnin eru í páskafríi frá Grunnskólanum. Fundir fálkaskáta hefjast 14. apríl en drekaskáta 20. apríl. Kirkjuskólinn er í fullu fjöri í dymbilviku og eftir páska. Minni á helgihald í kirkjunni í dymbilviku og páskadagsmorgun. Sjá nánar í viðburðadagatalinu. Með bestu kveðjum, Sr. Aðalsteinn Þorvaldsson 

Handverkshópurinn sýnir afurðir sýnar í Sögumiðstöðinni í dag frá 16:00 til 20:00. Einnig verður keppni í prjónaskap. Allir velkomnir.    

Blakæfingar falla niður á morgun 2 apríl vegna FSN æfinga.   Stjórn UMFG 

Árlegt páskabingó UMFG verður í kvöld 1 apríl kl 19 í samkomuhúsinu og mun bingóspjaldið kosta 400 kr. Við hvetjum alla til að mæta og næla sér í eins og eitt páskaegg.   ATH Þetta er ekki aprílgabb.   Stjórn UMFG 

Það verða engar æfingar á vegum UMFG um páskana á meðan páskafrí Grunnskólans er, nema að þjálfarar taki annað fram.    Æfingar fullorðinna verða í samráði við forstöðumann.   Stjórn UMFG

Af vef Skessuhorns:   "Við vildum fara nýjar leiðir í að kynna sérstöðu Snæfellsness sem tvímælalaust er sjórinn og sjávarafli. Hér í Sögumiðstöðinni er verið að einangra og innrétta stjórt herbergi þar sem broti úr borgarísjaka verður komið fyrir á miðju gólfi og nær hann upp í loft. Við fengum gefins kælivél sem mun halda lítilsháttar frosti í herberginu yfir ferðamannatímann og fram á næsta haust," sagði Ingi Hans Jónsson í Sögumiðstöðinni í samtali við Skessuhorn. 

Grundfirska hljómsveitin Flawless Error með þeim Sigþóri Fannari Grétarssyni, Ásbergi Ragnarssyni og Bergi Einari Dagbjartssyni komst í úrslit í músíktilraunum sl. mánudag. Glæsilegur árangur hjá þeim.  

Um 30 manns mættu á íbúafund á vegum Kvarna í samkomuhúsinu í gær. Hér er texti sem unnin var uppúr umræðum og hugmyndum á fundinum:    Nýtum betur auðlindir, aðstöðu og krafta fólks   Á þeim tímamótum sem við stöndum nú frammi fyrir skiptir miklu að vinna saman, vera útsjónarsöm og gera sem mest úr því sem við höfum.  Þetta voru meginskilaboð íbúafundar í Grundarfirði sem haldinn var síðastliðið þriðjudagskvöld, þar sem tæplega 30 manns tóku þátt. Rætt var um að íbúar megi ekki ætlast til þess að allt frumkvæði komi frá bæjarstjórn, heldur þurfi allir að taka virkan þátt í því skapa „hamingju í heimabyggð“.  Mikið var rætt um samfélagsmiðstöð af einhverjum toga, þar sem væri fjölbreytt aðstaða til tómstundastarfs, sköpunar og samveru fyrir alla aldurshópa, nægt rými og opið hús.  Til dæmis var nefnd fjölbreytt vinnuaðstaða, t.d. fyrir handverksfólk og jafnvel sala á handverki, námskeiðahald og fleira þess háttar.  Nýta ætti húsnæði sem til er nú þegar.