Fréttir & tilkynningar

Aðsókn í sundlaugina hefur verið lítil undanfarnar vikur og nú er komið að því að loka henni á þessu hausti. Á morgun, 9. október, verður því síðasti opnunardagur sundlaugarinnar á árinu.      

Aðalfundur Eyrbyggja 7. september 2004  kl 20:00 í Borgartúni 21a (Amokka kaffihús), í Reykjavík.   Viðstaddir stjórnarmenn: Ásthildur Elva Kristjánsdóttir, Orri Árnason,Bjarni Júlíusson, Hermann Jóhannesson, Guðlaugur Þór Pálsson, Hafdís Gísladóttir.   1.                  Ársskýrsla Formaður félagsins, Bjarni Júlíusson, kynnti stjórn og greindi frá því helsta í starfi félagsins á síðastliðnum vetri.  

Í töflunni hér að neðan má sjá yfirlit yfir landaðan afla eftir tegundum í Grundarfjarðarhöfn í september. Taflan sýnir samanburð á milli áranna 2003 og 2004. Heildarafli í september á þessu ári er 1.008.899 kg en var 965.525 kg. í sama mánuði í fyrra.   Tegundir 2003 2004   Þorskur 256.354 178.130 kg Ýsa 122.794 317.663 kg Karfi 134.394 53.239 kg Steinbítur 25.717 20.023 kg Ufsi 49.599 23.680 kg Beitukóngur 62.680 45.680 kg Rækja 353 0 kg Langa 8.505 7.767 kg Keila 10.889 9.367 kg Gámafiskur 272.814 320.210 kg Aðrar tegundir 21.426 33.140 kg   965.525 1.008.899  

Sem kunnugt er hafa Grundarfjarðarbær og bærinn Paimpol á Bretagne-skaga í Frakklandi haft með sér óformlegt vinabæjasamband. Grundfirðingar hafa orðið varir við mikinn áhuga Frakkanna á auknum samskiptum, m.a. á menningarsviðinu og nú hefur Grundfirðingum borist boð um að senda fulltrúa sína til að vera viðstaddir opnun ljósmyndasýningar í janúar 2005.

  Undanfarið hefur verið unnið við lagnir í Hrannarstíg, nánar tiltekið frá gatnamótum Fossahlíðar að Hlíðarvegi. Verið er að koma fyrir nýjum vatnsveitu-, klóak- og regnvatnslögnum í stað gamalla lagna sem fyrir voru. Þegar þessum hluta verksins verður lokið, sem áætlað er að verði í dag 6. október, verður hafist handa við seinni hluta þessa verks, þ.e. frá gatnamótum Hlíðarvegar að Smiðjustíg.  

55. stjórnarfundur Eyrbyggja 5.október 2004  kl 20:00 í Lágmúla 6, í Reykjavík.   Viðstaddir: Orri Árnason, Bjarni Júlíusson, Hermann Jóhannesson, Guðlaugur Þór Pálsson, Hrafnhildur Pálsdóttir, Ásthildur Elva Kristjánsdóttir.  

Aðalfundur Hollvinasamtaka Eyrbyggja verður haldinn fimmtudaginn 7. október n.k. kl. 20:00 í kaffihúsinu Amokka, Borgartúni 21A Reykjavík. Fundarefni, venjuleg aðalfundarstörf. Að aðalfundi loknum verða sýndar skemmtilegar myndir úr Bæringssafni. Allir núverandi og fyrrverandi Grundfirðingar/Eyrsveitungar eru hvattir til að mæta. Stjórnin

Á vegum félagsmálaráðuneytis er komin út skýrsla sem ber yfirskriftina ,,Átak um eflingu sveitarstjórnarstigsins – fyrstu tillögur nefndar um sameiningu sveitarfélaga”. Skýrslan er liður í samstarfsverkefni Sambands íslenskra sveitarfélaga og félagsmálaráðuneytisins um eflingu sveitarstjórnarstigsins á Íslandi. Í ágúst 2003 var skipuð verkefnisstjórn til að hafa yfirumsjón með verkefninu og leggja fram tillögur um breytingar á verkaskiptingu hins opinbera. Þær tillögur voru lagðar fyrir ríkisstjórn í apríl 2004.

Þátttakendur í USEVENUE verkefninu verða með námstefnu í Sögumiðstöðinni í Grundarfirði mánudaginn 4. október nk. frá kl 9-12.   Þar mun verkefnið verða kynnt og umræður um hvernig Snæfellingar geti lært af nágrannaþjóðum okkar í skipulagningu og framkvæmd viðburða og miðlað af sinni reynslu. Jafnframt munu koma fram hugmyndir að nýjum verkefnum.  

Sveitarfélögin á Snæfellsnesi settu í sumar á laggirnar samstarfsnefnd sem er ætlað að meta kosti og galla sameiningar sveitarfélaganna.  Á fundi Héraðsnefndar Snæfellinga með sveitarstjórnarmönnum í vetur kom fram að gott væri fyrir sveitarfélögin að vinna slíka úttekt og huga þannig að álitamálum í sameiningu sveitarfélaganna, m.a. í ljósi áfoma ríkisvaldsins og Sambands íslenskra sveitarfélaga um eflingu sveitarstjórnarstigsins.