Fréttir & tilkynningar

Klukkan 18.30: Gamanið hefst klukkan 18.30 við Netaverkstæði G.Run þar sem við rifjum upp vikivakadans og söng, heyrum jafnvel eina sögu.   Klukkan 19.00: Göngum með kyndla fylktu liði frá Netaverkstæðinu um klukkan 19.00 að bílastæðinu við Grunnskóla Grundarfjarðar. Þar taka á móti okkur álfakonungur og -drotting. Syngjum og dönsum saman.    Fólk er hvatt til að koma með blys eða kyndil, vera í búning við hæfi og taka með sér heit kakó á brúsa og bolla með.   Virkjum dans og söngvöðva, skemmtum okkur saman

Dagatal fyrir sorphirðu 2011 er komið á vefinn. Sjá má það í dálknum "Gott að vita" til hægri á forsíðunni.   Sorphirða 2011 

Þeir sem vilja losna við lúin jólatré geta sett þau út við lóðarmörk hjá sér ekki síðar en mánudaginn 10. janúar, en starfsmenn bæjarins munu hirða þau upp þennan dag. Athugið að tré verða einungis hirt af bæjarstarfsmönnum þennan eina dag. Þeir sem vilja losna við trén fyrr, eða síðar, þurfa að fara með þau í gám sem er fyrir utan gámastöðina.

Bæjarbúar eru vinsamlegast beðnir um að hreinsa upp eftir sig það rusl sem liggur á götum og gangstéttum eftir áramótin. Tökum höndum saman og höldum bænum okkar hreinum.

HSH, UMFÍ og Mennta- og menningarmálaráðuneytiðbjóða öllum þeim sem koma að uppeldi barna og ungmenna á námskeiðið "Verndum þau". Námskeiðið verður haldið í Fjölbrautaskóla Snæfellinga, Grundarfirði þriðjudaginn 11 janúar og hefst kl. 19:30Kennarar, stjórnendur,  leiðbeinendur, þjálfarar, starfsmenn og foreldrar eru allir velkomnir.    Sjá nánar.  

Þrettándagleði í Grundarfirði er fimmtudaginn 6. janúar. Fjölskyldugleði með kyndilgöngu, söng og dansi.   Klukkan 18.30: Gamanið hefst klukkan 18.30 við Netaverkstæði G.Run þar sem við rifjum upp vikivakadans og söng, heyrum jafnvel eina sögu.   Klukkan 19.00: Göngum með kyndla fylktu liði frá Netaverkstæðinu um klukkan 19.00 að bílastæðinu við Grunnskóla Grundarfjarðar. Þar taka á móti okkur álfakonungur og -drotting. Syngjum og dönsum saman.    Fólk er hvatt til að koma með blys eða kyndil, vera í búning við hæfi og taka með sér heit kakó á brúsa og bolla með.   Virkjum dans og söngvöðva, skemmtum okkur saman  

Fjárhagsáætlun ársins 2011 var samþykkt í bæjarstjórn 21. desember sl. Áætlunin er unnin við krefjandi aðstæður og ber þess merki að mikillar hagræðingar þarf að gæta í rekstri sveitarfélagsins. Þrátt fyrir erfið rekstrarskilyrði, leggur bæjarstjórn áherslu á að standa vörð um grunnþjónustu samfélagsins og þá einkum þjónustu við börn og unglinga.  

Karate byrjar aftur miðvikudaginn 5.janúar. 1.-5. bekkur kl. 17:10-18:10 og 6.-10. bekkur kl: 18:10-19:10. Sömu æfingatímar og áður. Æft er á miðvikudögum og föstudögum. Á föstudögum eru æfingar hjá: 1.-5. bekkur kl. 17:40-18:40 og 6.-10. bekkur kl: 18:40-19:40.  

Nú í upphafi nýs árs er við hæfi að líta um öxl og renna augum yfir farin veg. Árið hefur sótt misjafnlega að okkur. Gleði og sorg, höppum og slysum verið misskipt milli okkar eins og gengur. Fyrir mitt leyti þakka ég traust sem mér hefur verið sýnt til að gegna starfi bæjarstjóra á tímum sem um margt eru óvenjulegir.  

Frá áramótum verður tekinn upp nýr opnunartími á bæjarskrifstofunni. Opið verður virka daga frá kl. 10-14. Hingað til hefur verið opið frá 9:30-15:30 mánudaga til fimmtudaga og frá 9:30-14 á föstudögum. Breytingin tekur mið af þróun undanfarinna ára í þá átt fólk eigi frekar í rafrænum samskiptum við stjórnsýsluna frekar en að koma í eigin persónu til að reka erindi sín. Bæjarskrifstofan verður opin samkvæmt venju 27.-30. desember, kl. 9:30-15:30 en opnar á nýjum tíma þriðjudaginn 4. janúar. Frá þeim degi verður opið kl. 10-14 mánudaga-föstudaga.