146. fundur bæjarstjórnar Grundarfjarðar verður haldinn fimmtudaginn 9. febrúar 2012 í Samkomuhúsinu og hefst hann kl. 16:30.
fundir bæjarstjórnar eru opnir og eru allir velkominir að koma og fylgjast með fundinum.
Dagskrá fundarins:
Guðrún Guðmundsdóttir augnlæknir verður með móttöku á HVE Grundarfirði fimmtudaginn 23. febrúar n.k. Tekið er á móti tímapöntunum á Heilsugæslustöð Grundarfjarðar, sími 432 1350.
Þórir Bergmundsson háls,- nef og eyrnalæknir verður með móttöku á HVE Grundarfirði föstudaginn 17. febrúar n.k.
Tekið er á móti tímapöntunum á Heilsugæslustöð Grundarfjarðar,
sími 432 1350.
Álagningarseðlar fasteignagjalda 2012 hafa verið póstlagðir og munu berast fasteignaeigendum næstu daga. Jafnframt er unnt að skoða álagningu á vefsíðunni island.is undir mínar síður og munu álagningarseðlar framvegis eingöngu verða birtir þar nema í sérstökum undantekningartilvikum.
Alþjóðlega stuttmyndahátíðin Northern Wave verður haldin í fimmta sinn 2.-4. mars næstkomandi í Grundarfirði. Yfir 160 stuttmyndir bárust hátíðinni í ár en 49 myndir voru valdar til sýningar.
39 af þessum myndum keppa í verðlaunaflokknum “Alþjóðlegar stuttmyndir” og 10 í verðlaunaflokknum “Íslenskar stuttmyndir”.
Fiskistofa hefur auglýst eftir umsóknum um byggðakvóta til fiskiskipa skv. ákvæðum reglugerðar nr. 1182/2011 um úthlutun byggðakvóta til fiskiskipa á fiskveiðiárinu 2011/2012.
Umsóknum skal skilað til Fiskistofu á eyðublaði sem er að finna hér. Umsóknarfrestur er til og með 10. febrúar 2012.
Snjómokstri verður hætt kl. 19 í kvöld vegna veðurs. Fram til kl. 19 verður reynt að halda helstu götum færum.
Snjómokstur hefst ekki aftur fyrr en veður lægir.