Fréttir & tilkynningar

Nú hefur tæknideildin útbúið kort af Grundarfirði með tilliti til hverfaskiptingar á bæjarhátíðinni. Kortið má nálgast hér.  

Þrír sjómenn um borð í skelfiskbátnum Garpi SH, komust í hann krappann þegar báturinn strandaði á skeri í Breiðafirði, suðvestur af Reykhólum, á tíunda tímanum í gærkvöldi. Þeir sendu út neyðarkall, klæddu sig í flotgalla, blésu út björgunarbát og fóru um borð í hann. Útfall var og tók bátinn, sem er 15 tonna stálbátur, að halla mikið eftir því sem sjór féll undan honum. Skip þörungaverksmiðjunnar á Reykhólum kom á vettvang, tók sjómennina um borð og náði skömmu síðar að draga bátinn af strandstað. Hann var svo dreginn til hafnar á Reykhólum í nótt og virðist ekki leka. Tildrög óhappsins eru óljós, en mikið er af skerjum í Breiðafirði.   Frétt af visir.is 

Aðalfundur Hollvinafélags Grundarfjarðar verður haldinn laugardaginn 26. júlí næstkomandi á sumarhátíð Grundarfjarðarbæjar "Á góðri stund". Fundurinn verður haldinn í Sögumiðstöðinni klukkan 11:00 og eru núverandi og brottfluttir Grundfirðingar hvattir til að mæta og leggja fram hugmyndir um áframhaldandi starfsemi félagsins.   Stjórn Eyrbyggja 

Ragnhildur Þóra Ágústsdóttir opnar myndlistasýninguna  „Leit sankti Húberts“  í Norska húsinu í Stykkishólmi, laugardaginn 12. júlí n.k. kl. 13.30.      

Fólkið, fjöllin og fjörðurinn 8 bókin í þessum vinsæla bókaflokki er komin út , í henni kennir ýmisa grasa, mikið af gömlum myndum og fl. Núna næstkomandi daga verður gengið í hús að selja bókina, þeir sem ekki eru heima þegar sölufólk bankar uppá geta nálgast bókina hjá Þórunni og á skrifstofu verkalýðsfélagsins. Og að sjálfsögðu verður hún til sölu á hátíðarsvæðinu Á Góðri Stund.  

Skemmtiferðaskipið Le Diamant leggur að bryggju í Grundarfirði þriðjudaginn 15. júlí klukkan 14:30. Þetta skip er í nettari kantinum, aðeins 8.282 tonn og 124 metrar á lengd. Það eru 157 í áhöfn og 198 farþegar, en skipið tekur 226 farþega alls.                                               Skipið er smíðað í Noregi 1976 og er í eigu Compagnie des Isles du Ponant/Tapis Rouge í Frakklandi. Fyrstu árin hét skipið Begonia og var ferja en 1986 var því breytt í skemmtiferðaskip og sama ár var farin fyrsta ferðin farin.   Skipið er fjögurra stjörnu skemmtiferðaskip og er hugsað fyrir frönskumælandi pör og einstaklinga sem eru ungir í anda. Um borð er topp aðstaða að flestu leyti en sérstaðan er hversu smátt skipið er. Einkunnarorð Le Diamant eru glæsileiki og fágun.   Skipið heimsótti Grundarfjörð fyrst árið 2005 og hefur komið reglulega síðan.  

Vikuna 21.-26. júlí verður Anna Rún Tryggvadóttir, myndlistarkona með námskeið fyrir börn. Anna Rún hefur kennt börnum í Myndlistarskólanum í Reykjavík og fyrir Listasafn Íslands. Verður umhverfi og náttúra Grundarfjarðar skoðuð og henni gerð skil í teikningum með kolum og blýanti sem og fleiri aðferðum. Áhugasamir

 Nú stendur yfir söng og leiknámskeið fyrir börn á aldrinum 4-15 ára. Enn er hægt að skrá sig inn. Þátttakendur munu troða upp á bæjarhátíðinni. Auglýsingin er hér. Enn má skrá sig! Upplýsingar hjá Lóu í síma 8987564

 Gestir skemmtiferðaskipsins Artemis voru mjög ánægðir með þær móttökur sem þeir fengu. Hér má sjá myndir af sýningunni sem móttökuhópur Grundarfjarðarhafnar hélt í dag.

Þessi frétt er tekin af vef loftmynda ehf.:   Markaðssetning sem skilar árangri:  Þegar starfsmenn Loftmynda ehf. voru að vinna við nýjar myndir af Grundarfirði rákumst við á þennan skemmtilega kall. Grundfirðingar vita greinilega að loftmyndir og myndkort er það sem koma skal og auglýsa í takti við það.   Hér er myndin.