Fréttir & tilkynningar

Í meðfylgjandi töflu má sjá sundurliðun á lönduðum afla í Grundarfjarðarhöfn í desember árið 2004.   Tegundir 2004   Þorskur 139.479 Kg Ýsa 257.529 Kg Karfi 38.823 Kg Steinbítur 71.502 Kg Ufsi 9.514 Kg Beitukóngur 36.833 Kg Langa 3.520 Kg Keila 3.451 Kg Gámafiskur 484.522 Kg Aðrar tegundir 13.023 Kg   1.058.196 Kg    

Í Kastljósþætti RÚV í kvöld, 4. janúar, var dregið í fyrri umferð spurningakeppni framhaldsskólanna 2005 - Gettu betur.   Fjölbrautaskóli Snæfellinga er nýr keppandi í þessari vinsælu keppni og dróst hann á móti Flensborgarskólanum í Hafnarfirði.  

    Undirrituð hefur haft það fyrir venju við undangengin áramót að rifja upp það sem helst bar til tíðinda í starfsemi og verkefnum bæjarfélagsins á liðnu ári – sem og ýmis önnur hagsmunamál sem snert hafa bæjarbúa.   Árið 2004 var viðburðaríkt fyrir Grundfirðinga.

Í byrjun janúar n.k. hefst á vegum Símenntunarmiðstöðvar Vesturlands námskeið í ensku fyrir byrjendur. Námskeiðið verður haldið í Grunnskólanum í Grundarfirði og er 30 kennslustundir (40 mín.) í 13 skipti. Kennari er Johanna E. Van Schalkwyk, sem kennir einnig ensku í Grunnskólanum. Sjá nánar á heimasíðu Simenntunarmiðstöðvarinnar.

Í kvöld kl 20:00 verður Hjónaklúbburinn með félagsvist á Krákunni. Spilakvöldin á milli hátíðanna hafa alltaf verið vinsæl. Hvað ætli verði spilað á mörgum borðum í kvöld ? Glæsilegir vinningar. Hjónaklúbbur Eyrarsveitar.

Mánudaginn 27. des og þriðjudaginn 28.des fóru 4.fl kv og 3.fl kv á Jólamót Kópavogs. Mótið hjá 4.fl B byrjaði snemma á mánudagsmorguninn og þurfti því að leggja af stað frá Grundarfiðið kl 6 um morguninn. Stelpurnar í B liðinu spiluðu til hádegis og stóðu sig með ágætum og enduðu með 4 stig eftir keppnina.

Stökuseiður nefndist skemmtun sem haldin var 6. nóvember sl. á menningarhátíð Grundfirðinga, Rökkurdögum. Þá heimsóttu okkur góðir gestir, hagyrðingar víða af landinu, og seiddu fram margar góðar stökur. Þessar um Kirkjufellið voru kveðnar af Guðríði B. Helgadóttur úr Blöndudalnum, sem er 83 ára gömul.      Krýnd af sólar eldi og ís öll þín dulmögn skína. Kirkjufell! Þér krýp og kýs kveðju í lotning sína.  

Íþrótta- og tómstundanefnd minnir á opið hús í Sögumiðstöðinni fyrir unglinga á milli kl. 21-23 eftirtalda daga til áramóta:   Í kvöld, mánudaginn 27. desember Þriðjudaginn 28. desember Miðvikudaginn 29. desember Fimmtudaginn 30. desember  

Það er Þorláksmessustemmning í Grundarfirði, fallegt og stillt veður, um 10 stiga frost og skötuilminn leggur yfir bæinn – flestum til yndis.... nóg um það. Í veitingahúsinu Krákunni gæddu gestir sér á kæstri skötu í hádeginu og fyrirtæki Guðmundar Runólfssonar hf. bauð starfsmönnum sínum og fjölskyldum þeirra upp á skötu og saltfisk í hádeginu, eins og gert hefur verið undanfarin ár.    Um 100 manns mættu í skötuveislu hjá Guðm. Runólfssyni hf.

Opið hús verður í Sögumiðstöðinni fyrir unglinga á milli kl. 21-23 eftirtalda daga til áramóta:   Miðvikudaginn 22. desember Fimmtudaginn 23. desember Mánudaginn 27. desember Þriðjudaginn 28. desember Miðvikudaginn 29. desember Fimmtudaginn 30. desember   Foreldrar sem gætu verið með unglingunum eitthvert þessara kvölda eru beðnir að hafa samband við bæjarskrifstofuna í síma 430 8500. Breyting getur orðið á opnunartímum. Fylgist með hér á heimasíðunni.