Fréttir & tilkynningar

Grunnskóli Grundarfjarðar verður settur mánudaginn 23. ágúst kl. 16.00 í íþróttahúsi. Eftir setninguna fara nemendur með umsjónarkennara sínum í stofur og fá afhenta stundarskrá o.fl.  Kennsla hefst síðan á þriðjudag en kennt verður til 12.30 þann dag og síðan skv. stundarskrá eftir það.

Grunnskóli Grundarfjarðar verður settur mánudaginn 23. ágúst kl. 16.00 í íþróttahúsi. Eftir setninguna fara nemendur með umsjónarkennara sínum í stofur og fá afhenta stundarskrá o.fl.  Kennsla hefst síðan á þriðjudag en kennt verður til 12.30 þann dag og síðan skv. stundarskrá eftir það.  

Í dag, 18. ágúst, á Grundarfjörður 218 ára afmæli. 18. ágúst 1786 fékk Grundarfjörður ásamt Reykjavík, Ísafirði, Akureyri, Eskifirði og Vestmannaeyjum kaupstaðarréttindi. Þéttbýlin 6 voru jafnframt þau fyrstu á Íslandi til að öðlast þessi réttindi. En þess má geta að Grundarfjörður tapaði kaupstaðarréttindum sínum árið 1836.

Gunnar Pétur Gunnarsson, umsjónarmaður fasteigna hefur hafið störf. Hægt er að ná á hann á bæjarskrifstofu Grundarfjarðar og í síma 863-6619. Netfang Gunnars er gunnar@grundarfjordur.is. Þess má einnig geta að Gunnar hefur tekið við starfi slökkviliðsstjóra úr hendi Guðna Áslaugssonar.

Nú er skólinn að byrja. Mikilvægt er að skila öllum skólabókum sem notaðar voru við námið síðasta vetur. Við viljum biðja ykkur að aðstoða börnin við að finna þær sem eftir eru heima og skila þeim á bókasafnið. Þar (uppi) er kassi fyrir bækur sem skilað er utan opnunartíma. Einnig má skilja þær eftir hjá ritara í skólanum. Athugið að forráðamenn bera fjárhagslega ábyrgð á bókum sem grunnskólinn lætur nemendum í té vegna námsins.

Bókasafn Grundarfjarðar er opið frá 16. ágúst. til 31. maí:Mánudaga - fimmtudaga kl. 15:00-18:00, föstudaga kl. 15-17 og á fimmtudagskvöldum áfram til kl. 20:00. Ath breyttan tíma á föstudögum.  

Melrakkaey Svona var útsýnið í Grundarfirði í morgun. Engu er líkara en að eyjan hangi í lausu lofti. Gaman að svona raunhæfum sjónhverfingum, myndin er ekki tölvuunnin!   

Skemmtiferðaskipið Funchal kom til hafnar í morgun kl. 08:00. Skipið verður hér í allan dag og fer kl. 20:00. Farþegar skipsins eru um 450, flestir frá Hollandi.  

Nú er hægt að skoða Vikublaðið Þey á internetinu. Ekki aðeins að blaðið sé nú aðgengilegt um allan heim, heldur er það einnig í lit. Smellið á meðfylgjandi hlekk ...   Vikublaðið Þeyr