Fréttir & tilkynningar

Guðbjörg Aðalbergsdóttir, skólameistari Fyrsta skólasetning Fjölbrautaskóla Snæfellinga var haldin hátíðleg í gær, mánudaginn 30. ágúst. Guðbjörg Aðalbergsdóttir, skólameistari, setti skólann í fyrsta skipti. Þingmenn kjördæmisins voru viðstaddir athöfnina ásamt menntamálaráðherra. 

Reynir Ingibjartsson hefur gefið út 4 kort af Snæfellsnesi. Það fyrsta, Inn -Snæfellsnes, nær annars vegar yfir Hnappadalssýslu á sunnanverðu Snæfellsnesi og hins vegar yfir Helgafellssveit og Skógarströnd á norðanverðu Snæfellsnesi. Annað, Kringum Snæfellsjökul, nær frá Fróðárheiði og út Snæfellsnesið.

UMFG hélt svokallaða uppskeruhátíð síðastliðn fimmtudag. Þar voru veittar viðurkenningar fyrir nokkrar greinar. Í frjálsum íþróttum voru veittar viðurkenningar fyrir bestu mætinguna og besta árangurinn, í sundi fengu allir þeir sem æfðu í sumar mynd af sér og í fótbolta voru veittar viðurkenningar í fyrir mætingu og prúðmennsku í 7.-5. fl en í 4. og 3. fl fyrir mætingu og þar var valinn leikmaður ársins.  

Tsc.is hefur hafið útsendingu á netinu á Skjá Einum. Áskrifendur Tsc.is sem hafa VDSL dekurtengingu geta horft á Skjá Einn með því að fara inná heimasíðu www.tsc.is og smellt þar á Skjá Einn merkið.

Skemmtiferðaskip í Grundarfjarðarhöfn sumarið 2004Komur skemmtiferðaskipa til hafnar í Grundarfirði voru alls 13 í sumar. Skipin voru 6 talsins. Columbus og Ocean Monarch komu þrisvar,  Funchal og Hanseatic komu tvisvar og Delphin og Adriana komu einu sinni. Með skipunum voru alls 4540 farþegar. Áhöfn skipanna er í kringum 200 manns hverju sinni, eftir stærð þeirra. 8 skip hafa nú þegar bókað komu sína fyrir næsta sumar.  

Opin samkeppni um hugmyndir að minjagripum sem tengjast Norska húsinu í Stykkishólmi eða Snæfellsnesi og nýta má til skrauts, skemmtunar eða daglegra nota. Markmið keppninnar er að fá fram hugmyndir að hlutum sem hægt er að selja í safnverslun Norska hússins. 

Grunnskóli Grundarfjarðar verður settur í dag, mánudaginn 23. ágúst, kl. 16.00 í íþróttahúsi. Eftir setninguna fara nemendur með umsjónarkennara sínum í stofur og fá afhenta stundarskrá o.fl.  Kennsla hefst síðan á morgun, þriðjudag, en kennt verður til 12.30 þann dag og síðan skv. stundarskrá eftir það.

Strákarnir fóru í Kópavoginn á föstudag til að spila á móti efsta liði riðilsins og voru ekki allt of sigurvissir.  

Frá og með mánudeginum 23. ágúst verður sundlaugin opin virka daga frá kl. 16-20 og kl. 13-17 á laugardögum. 

Grunnskóli Grundarfjarðar fékk nýlega Comeniusarstyrk  frá Alþjóðaskrifstofu háskólastigsins, alls 18.000 evrur (1,5 millj. ísl.kr.).  Comeniusarstyrkir eru veittir til þess að efla evrópskt skólasamstarf og styrkja tungumálaverkefni og skólaþróunarverkefni.