Fréttir & tilkynningar

Eins og flestum er sjálfsagt kunnugt vinna sveitarstjórnirnar á Snæfellsnesi nú að því að fá vottun frá Green Globe 21 fyrir Snæfellsnes sem sjálfbært samfélag með aðaláherslu á umhverfisvæna ferðaþjónustu. Stjórn undirbúnings að þessu verkefni er í höndum Leiðarljós ehf. og Umís ehf., en fyrirtækin hafa notið aðstoðar stýrihóps frá sveitarfélögunum.  

Ljósmyndavefur Bæringsstofu verður virkur þann 24. mars nk. Inn á vefinn hafa verið settar um 800 myndir frá ýmsum tímum úr safni Bærings Cecilssonar. Þennan dag hefði Bæring heitinn orðið 81 árs og er nú ár liðið frá því að ættingjar hans afhentu Grundarfjarðarbæ safn hans. Hér á bæjargátt Grundarfjarðar hefur verið komið fyrir merki Bæringsstofu og komast notendur inn á myndver Bæringsstofu með því að velja merkið.  

 Í gær birtist í Vikublaðinu Þey auglýsing frá Fjölbrautaskóla Snæfellinga um lausar stöður. Auglýstar eru 4,5 stöður framhaldsskólakennara, til að sinna íslenskukennslu, stærðfræði, ensku, dönsku og lífsleikni. Námsráðgjafi í 30% starf, bókasafns- og upplýsingafræðingur í 50% stöðu, kerfisstjóri í 50% stöðu og fjármálastjóri í heila stöðu.    

 Vatnslaust verður á Smiðjustíg og ofanverðan Hrannarstíg fram eftir degi.   JH    

Bókasafn Grundarfjarðar er meðal þeirra mörgu safna sem munu geyma bókaupplýsingar sínar í Gegni, hinu nýja landskerfi bókasafna. Bókasafnskerfið mun ná til um 90% landsmanna. Með því verður hægt að skoða útlán sín á vefnum og panta bækur.  

Ríkisstjórnin hefur ákveðið að flaggað skuli í hálfa stöng við opinberar byggingar í dag í ljósi hörmunganna sem hryðjuverkin í Madrid hafa valdið. Þá hefur Ólafur Ragnar Grímsson, forseti Íslands ákveðið að aflýsa árlegri veislu, sem átti að vera á Bessastöðum í kvöld til heiðurs ríkisstjórn, erlendum sendiherrum og æðstu embættismönnum íslenska ríkisins.   Frétt á www.mbl.is    

Þriðjudaginn 9. mars síðastliðinn hélt sameiningarnefndin á fund sveitarstjórnarmanna á Snæfellsnesi til að ræða framtíðarsýn sveitarfélaganna á svæðinu. Á Snæfellsnesi eru sex sveitarfélög; Kolbeinsstaðahreppur, Eyja- og Miklaholtshreppur, Snæfellsbær, Grundafjarðarbær, Helgafellssveit og Stykkishólmsbær með rúmlega fjögur þúsund íbúa alls.  

Stóra upplestrarkeppnin var haldin í Grundarfjarðarkirkju í gærkvöldi.  Allir lesarar frá skólunum fjórum sem getið er hér fyrir neðan stóðu sig mjög vel og dómarar voru ekki öfundsverðir af því að skipa í þrjú efstu sætin. Úrslit urðu þessi: 1. sæti Lilja Margrét Riedel Stykkishólmi2. sæti Guðmundur Haraldsson  Grundarfirði 3. sæti Elín Sigurðardóttir  Grundarfirði

Stærðfræðikeppni 8.-10. b grunnskólanna á Vesturlandi var haldin í Fjölbrautaskóla Vesturlands 18. febrúar.  19 nemendur frá Grunnskóla Grundarfjarðar tóku þátt í keppninni. 

  Eins og fram hefur komið á Grundarfjarðarvefnum varð mjög góður árangur af borun rannsóknarholu við Berserkseyri þar sem borað var í gegnum tvær sprungur sem ekki voru þekktar. Boruð var 403 metra hola með 30° halla eða niður í um 300 metra á láréttu plani. Nokkuð salt er í vatninu og kolsýruinnihald telst vera nær því að vera helmingur á við ölkelduvatn, nokkuð meira en út í Laugaskeri.