Fréttir & tilkynningar

Það leynist margt fróðlegt í gömlum fundargerðum. Í fundargerð hreppsnefndar Eyrarsveitar frá 27. nóvember 1975 er m.a. að finna umfjöllun um orkurannsóknir, samning um kaup á olíumöl og vangaveltur um hundahald. Eftirfarandi var m.a. bókað á þeim fundi:

Nemendur Leikskólans Sólvalla fóru í sveitaferð þriðjudaginn 18. maí sl. Það voru bændurnir á Mýrum, Anna Júlía og Óli, sem tóku vel á móti krökkunum.        

Nokkuð hefur borið á kvörtunum um ónæði af völdum breimandi slagsmálakatta að næturlagi. Kann að vera að um sé að ræða villiketti, en þó er ljóst að venjulegir heimiliskettir eiga líka hlut að máli. Slíkt er heldur óskemmtilegt.   Af því tilefni er vakin athygli á að í mars sl. tók gildi sérstök samþykkt um kattahald í þéttbýli bæjarfélagsins, nr. 262/2004.

Orri Örn Árnason er um þessar mundir að taka við starfi byggingafulltrúa tímabundið þar sem Jökull Helgason, byggingafulltrúi verður í barneignafríi fram í ágúst. Orri hefur lokið öðru ári af þremur í byggingatæknifræði við Tækniháskóla Íslands. 

Tónlistarskólakennara vantar við Tónlistarskóla Grundarfjarðar til afleysinga í eitt ár frá 1. ágúst 2004. Um er að ræða heila stöðu. Kennslugreinar eru gítar, fiðla og málmblásturshljóðfæri.  

Síðastliðin fimm ár hefur í Grundarfirði verið starfrækt sérstakt verkefni þar sem unglingum á framhaldsskólaaldri er kennt eingöngu í fjarnámi Verkmenntaskólans á Akureyri. Þetta var brautryðjendaverk í hreinu fjarnámi, því hvergi annars staðar hafði hópi ungs fólks verið kennt með fjarnámi eingöngu.  

Á Uppstigningardag fimmtudaginn 20. maí n.k. kl. 17.00 verður haldin Söngstund í Grundarfjarðarkirkju. Þar koma fram Kirkjukór Grundarfjarðar og Kór eldri borgara í Grundarfirði. Stjórnandi þeirra er Friðrik Vignir Stefánsson, organisti.  

KSÍ hefur ákveðið að úthluta 60 sparkvöllum til sveitarfélaga víðs vegar um landið eftir að hafa fengið tilboð í gervigras á vellina, en það verður hlutverk KSÍ að útvega og leggja fyrsta flokks gervigras á vellina sveitarfélögum að kostnaðarlausu.  

Á fyrsta fjórðungi ársins 2004 voru skráðar 12.875 breytingar á lögheimili einstaklinga í þjóðskrá. Þar af fluttu 7.400 innan sama sveitarfélags, 3.673 milli sveitarfélaga, 1.012 til landsins og 790 frá því. Á tímabilinu fluttust því 222 fleiri einstaklingar til landsins en frá því.  

Á laugardaginn kemur, 15. maí, verður gámastöðin opin kl. 10-17. Þeir íbúar sem hafa ekki þegar hreinsað til á lóðum sínum eru hvattir til þess að nota tækifærið og koma garðaúrgangi og rusli á gámastöðina.